رواية أنا الذى أحبك الفصل الخامس 5 بقلم ريهام أبوالمجد

وسابها وهي اتفاجأت ومصډومة مش فاهمة هو عمل كدا لي بس لاقت ياسمين بتنادي عليها عشان تيجي تفطر فراحت وقعدت وشالت أسيل على رجلها.
آدم هاتي يا آسيا أسيل عشان تعرفي تأكلي وبعدين أنتي بتاكلي بإيدك الشمال أصلا ومش عارفة وهي كدا هتلخمك أكتر.
آسيا لا مش مضيقاني كل أنت يا آدم.
آدم قام وقال قولتلك هاتيها عشان تعرفي تاكلي.
هادي بصلها وقال الأكل جميل اوي.
منى ابتسمت وقالت دي عمايل آسيا.
هادي ابتسم وقال تسلم إيدك جميل اووي.
آسيا بإبتسامة بالهنا والشفا.
آدم كان قاعد هيولع ومش طايق نفسه وياسمين واخدة بالها.
ياسمين آدم امسك نفسك دا أنت شكلك هتقوم معلشي استحمله هو هيمشي كمان شوية.
آدم اسكتي خالص عشان مش طايق نفسي.
ياسمين ضحكت وقالت يا عم أنت جاي تتشطر عليا.
آدم بصلها بغيظ وآسيا قالت مالك يا ياسمين بتضحكي لي
ياسمين بضحك لا مفيش أصل آدم كان عايز حتة خياراية من اللي قدامك دي.
آسيا بجد اتفضل الطبق كله يا آدم وبعدين أي اللي بيضحكك في كدا يا هبلة.
آدم أخد منها الطبق وهو بيبص لياسمين بغيظ فياسمين قالت أصله محرج.
آسيا لي دا بيته وخيره.
آدم ابتسم وقال تسلمي يا آسيا.
خلصوا أكل وجات تقوم دراعها ۏجعها فآدم جري عليها وقال مالك يا آسيا فيكي أي
آسيا لا مفيش دراعي شد عليا شوية.
آدم طب تعالي نروح للدكتور.
هادي ولي تروح أنا ممكن أشوفه لو تسمحيلي يعني
منى ايوا يا آسيا خلي هادي يشفهولك ويمكن يشيلك الرباط دا.
آسيا بصت لآدم وبعدين قالت خلاص تمام لو مش هتعبك معايا.
هادي لا طبعا تعبك راحة.
آدم كان حاسس بالغيرة ومش متخيل ومش عاجبوه طريقته.
_____________ بقلمي ريهام أبو المجد ____________
هادي دي تمارين ليها وأكيد هتوجعها شوية بس لازم.
آدم خلاص أنا هعملها.
آسيا حصل خير ومعلشي يا دكتور صړخت ڠصب عني لأنه وجعني.
هادي ابتسم وقال لا عادي المهم راحتك وأنا أسف بجد.
آسيا بتتأسف على أي يا دكتور بس.
آدم آسيا أنا هدهنلك المرهم.
آسيا برفض لا شكرا ياسمين هتعملي.
ياسمين عشان تخلي آدم اللي يعملها فقالت لا أنا متأخرة سلام.
آسيا بقى كدا ماشي يا ياسمين.
منى خلاص يا جماعة أنا هعملها متتعبوش نفسكم.
آسيا آسر يا حبيبي تعالا قرب هنا.
آسر وقال بطفولية نعم.
آسيا وقالت تعرف يا آسر.
آسر ببراءة أعرف أي يا طنط
آسيا ضحكت وقالت أنك جميل اووي وإني بحبك.
آسر بسعادة بجد يعني أنتي بتحبيني.
آسيا ايوا يا حبيبى بحبك اوي وكلنا بنحبك.
آسر بزعل طفولي أمال عمتو ياسمين مش بتحبني زي أسيل لي ومحدش هنا بيحبني زي أسيل.
آسيا بزعل لا يا حبيبي كلنا بنحبك وعمتو ياسمين بتحبك اووي بس هي خاېفة لتكون أنت مش بتحبها عشان .
آسر ببراءة بجد يعني هي بتحبني قوليلها مش تخاف عشان أنا بحبها وبسمع الكلام.
آسيا وقالت خلاص اتفقنا هقولها بس أنت متزعلشي يا حبيبي.
آسر اتفقنا يا طنط.
منى بسعادة من موقف آسيا وقالت آسر يا حبيبى متقولهاش يا طنط قولها يا ماما.
آسر بسعادة يعني أنا هيبقى عندي اتنين ماما.
منى ضحكت والكل كمان وقالت ايوا يا حبيبي اتنين.
آسر سقف بإيديه وقال الله عندي اتنين ماما.
هادي ابتسم وقال شكرا يا مدام آسيا على تصرفك الجميل دا.
آسيا مفيش شكر احنا أهل وآسر فعلا ابني.
منى بحب بجد أنتي جميلة اووي يا آسيا وانقذتي الموقف لأن ابني آسر حساس اووي وكان هيكتم في قلبه وهيتعب.
آسيا هو طفل اها بس دا ميمنعشي أنه بيفهم وأنه حساس وأنا فهمت من نظراته.
_____________ بقلمي ريهام أبو المجد _____________
خلص اليوم وآدم نزل مع هادي عشان يلاقي ليه سكن