رواية اشقاؤها الثمانية بلوتى الفصل الأول 1 بقلم اليا

أشقاؤها_الثمانية_بلوتي
الفصل الأول
بتهزري يا نياط صح .. إزاي متعرفينيش بحاجة زي ديه و على أساس أنا جاي اتقدملك بكرة .. 
نياط _ بتزعق ليه يا عثمان مجتش فرصة أعرفك و خلاص و انت عمرك ما سألتني .. 
عثمان _ الغلطة بقت غلطتي دلوقتي على الاقل لما عرفتك قبل اسبوع اني هتقدملك كان المفروض تقوليلي انو عندك ثمانية اخوات رجالة .. مش واحد ولا اثنين .. دول ثمانية .. 

نياط _ و ده هيفرق معاك في ايه .. لو مش عايز تتقدم يا عثمان خلاص اللي تشوفه بقا سلام .. 
عثمان _ استني يا نياط أنا آسف حقك عليا اتنهد توترت شوية بس .. صحيح .. احم اخواتك دول لطيفين باين صح قولي صح .. أنا حاسس نفسي جاي اتعدم مش اتقدم .. 
نياط ضحكت _ متبالغش يا عثمان مش هياكلوك مثلا .. 
عثمان _ أنا خاېف ميوافقوش علي طب نفترض موافقوش هنعمل ايه .. 
نياط _ معرفش .. معرفش بس هحاول أمهدلهم الموضوع قبل أما تجي بكرة .. 
عثمان _ و اخواتك الثمانية دول كلهم أكبر منك .. ولا في أمل طمني قلبي .. 
نياط _ بص متترعبش بس الثمانية أكبر مني .. سلطان أكبر واحد .. عمران و مروان توأم .. و في زين و يزن برضو توأم  
و رضوان .. و زيد .. و مراد أصغر واحد فيهم .. 
عثمان _ الله أكبر خلصتو كل الأسماء الموجودة ع الكوكب يا عيني عليك يا حبيبي يا عثمان هتعنس لا انت ھتموت بكرة بإذن الله .. 
كانت هترد عليه بس أول ما سمعت صوت دق على باب أوضتها فصلت الخط و خبت التلفون تحت المخدة و قامت فتحت الباب و اترمت فحضن اللي واقف اقادمه بتتعلق في رقبته
نياط بدلال _ الأمير مراد منور غرفتي ليه .. 
مراد ضحك _ الأمير مراد جاي ياخد الأميرة نياط لتتعشى تحت .. تسمحيلي .. 
باس ظهر إيدها و هوبا رفعها بين إديه بينزلها الدرج و ضحكتها واصلة آخر البيت لقت اخواتها السبعة قاعدين بيستنوها و كل واحد فيهم على وجهه ابتسامة ارتياح و هما شايفينها بتضحك ضحكتها اللي محلية حياتهم
نياط بدرامية _ بالراحة ع قلبي بتبصولي كده لي تصدقو لو مكنتوش اخواتي كنت اتجوزتكو كلكو .. 
مراد _ هتفتحي حواديث .. بسرعة قليلي انزلك فين إيدي اتشلت .. بقيتي ثقيلة أوي .. 
نياط نفخت خدودها عاملة نفسها زعلانة _ انتو سامعين هو بيقول ايه .. اوع كده .. 
نزلت و زقته و راحت جري قعدت فالكرسي اللي جنب عمران