رواية عهد الأسود الجزء الثانى 2 الفصل الثالث والعشرون 23 بقلم زهرة الربيع
السبب في انك تفضل واقف كده ومش فاهم اي حاجه يا استاذ اسد انت السبب في كل اللي حصل ده ومحدش يتلام غيرك
هنا اسد ضربوا قلم قوي جدا وقعه على الارض وقال بزعيق شديد... اخرس ولك عين تتكلم كمان
نديم قال بدموع... ايوه هتكلم ومش هسكت تاني ...انت السبب في كل اللي حصل انا بحبها..وهيه كمان بتحبني...وانت عارف لو كنت اتفهمتنا مكانش ده حصل ..لو كنت طلبت اي طلب انا كنت هنفذ...لكن انت رفضت حتى التفاهم في الموضوع.. مكانش قدامنا حل تاني احنا متربين كويس ومعملناش كده من غير سبب
روز بصتلو بدموع وهزت راسها بالرفض واسد بصلها وقال بحزم... بس كل حاجه ليها حل.... من النهارده تقدري تعتبريني مت فعلا...من انهارده انا عندي بنت واحده وبس وهي وعد
بس اسد قاطعها وقال...لا..لا مبقاش من حقك تناديني بابا تاني...وزي ما اعتبرتيني مش موجود وكنتي مقرطساني يا روز...تقدري تعتبريني مش موجود للنهايه ...وخلي حبيب القلب ينفعك... مبروك عليكي ...صحيح النهارده كسبتي حبيبك وتقدري تتجوزيه في العلن..بس خسړتي ابوكي ليوم الدين
نتالي بصت لروز وقالت بدموع ...الي عملتيه غلط يا روز ..غلط...مهما كنتي بتحبيه كان اكيد لاقينا حل غير انك تخلي ابوكي كده يحس انه ملهوش قيمهد. ازاي تعملي فيه كده
روز قعدت على السرير وبقت تبكي بشده وقالت بدموع... ماما والنبي والنبي تكلميه.. انا ما اقدرش يفضل زعلان مني ..وانتي يا وعد بيسمع منك ارجوكي اعملي حاجه... شوفتو قال ايه حد يكلمو وانبي
روز قالت بدموع واڼهيار.... لا لا انتو اسمعتو قال ايه.. قال ان انا مش بنته... قال مش بنته...اعملو حاجه والنبي يا ماما تكلموه
نديم كان واقف بيسمعها بدموع ومش عارف يعمل ايه علشانها واسامه وقف جنبه وقال ...الافضل متكلمهاش دلوقتي اسمع مني يا نديم
اسامه اتنهد وقال... يا ابني البنت تعبانه دلوقتي ممكن يخرج منها كلام جارح متقصدهوش وانا..
قاطعو نديم و قال بسرعه ...مش مهم يا بابا مش هقدر اسيبها مش هقدر
اسامه اتنهد ومشي عايز يروح يلحق اسد وحتى نتالي ووعد جريو وراهم وهما قلقانين جدا عليه
اول ما خرجوا نديم قرب على روز بدموع وقال... روز يا حبيبتي انتي كويسه... كل حاجه هتتحل صدقيني و
اما غالب كان راجع على اوضتو بس وقفت قدامو تاره وقالت ...مبروك يا عريس ...قال فرحك بكره ...لقيت البيت كله مش مهتم قلت لما اهنيك انا
غالب ابتسم بضيق وقال ..شكرا يا تاره
ولسه هيمشي قالت بسرعه...انا كمان فرحي بكره مش تقولي مبروك
غالب وقف وبصلها بزهول وقال... فرحك بكره هتتجوزي مين
تاره ضحكت وقالت... هيكون مين يعني حبيبي فارس طبعا... انا مكنتش اعرف اني بحبه للدرجه دي...كويس ان انت رفضت علاقتنا ...لان اتضحلي ان في حد اولى
