رواية جوازة صالونات الفصل الحادى عشر 11 بقلم ندى على حبيب
رأيك
صلاح فتح علبة السجاير واخد سچاره وولعها طيب هشوف اني كدا هتقولي ايه ونروح نغير علي حلقها
نوال بصتله كتير وقالت بتنهيده هو انا متجوازك ولا متجوزه امك يا صلاح كل ما اطلب حاجه تقولي لما اعرف امي فين شخصيتك انت
صلاح اتنرفز من كلامها بقوولك ايه الواحد صاحي مش فايق علي الصبح وانا ولا طايق كلامك ولا عايز دوشه وۏجع دماغ علي الصبح انتي ناقصك حاجه يابنت الناس
صلاح بزعيق احمدي ربنا علي اللي عندك غيرك مش لاقي اللي عندك
نوال بزعيق وانا مالي بغيري انا محتاجه منك الرحمه محتاجه كلمه حلوه تطيب خاطري بيها نفسي مره تيجي تبوس راسي وتقولي معلش انا حقيقي كارهه حياتي اهلي ناس غلابه ابويا هيصرف علي اخواتي البنات التلاته ولا عليا انا وبنتي انا لو ليا ملجأ واحد ارتاح فيه والله العظيم ما كنت هقعد معاك دقيقه واحده
نوال عيطت وقالت مش عايزه فلوس انا محتاجه حتيه وطيبة خاطر بس للأسف دول مش موجودين عندك لا انت ولا امك
صلاح مسكها من شعرها وقال پغضب لو ملمتيش نفسك عليا الطلاق بتلاته اډفنك حيه اتكلمي بأدب احسنلك لحد الان بحاول ممدش ايدي عليكي وساب شعرها وطلع برا الاوضه بعد ما رزع الباب
نوال بدموع سوسن انا حسه ان ھموت صدقيني وقالت بشهقات عمري كل يوم بيقصر في البيت
سوسن بحزن علي اختها استحملي يا نوال استحملي يا حبيبتي البيوت يماا فيها
نوال مسحت دموعها وقالت بحسره هستحمل حاضر المهم ولسه هتتكلم سمعت صوت حماتها بتنادي عليها هقفل كدا وهرجع اكلمك تاني
نوال فتحت باب شقتها ونزلت سمعت كلامها معلقتش وقالت بهدوء نعم يماا معلش كنت بكلم سوسن
سلوي بلوية بوز طب يلا يماا ادخلي اغسلي الكوبايتين اللي في الحوض وننزل ندبح الفراخ بدل ما ټموت من السقعه ونضفها ونحطها في الفريزر نبقي نطلع منها لما نشوف الهانم التانيه هتنزل امتي هي كمان اصلها هتفضل عروسه طول السنه
غزل جت من البرنده جري تيتاااا عايزه اروح الحمام بسرعهه
سلوي ادخلي خلي امك تدخلك اجري اجري
صلاح بهدوء اماا انا عايز اروح اغير علي حلق غزل
سلوي ليه يعني ما حلقها اللي في ودنها حلوو لما تكبر شويه حتي تكون جمدت
.......................................
في شقة ادهم
نهال واقفه قدام المرايا اللي في الحمام بتبص علي شكلها متعرفش انها هتبقي مبسوطه كدا لما تتجوز ادهم ادهم دخل عليها الحمام وقلع التيشيرت بتاعه
نهال بصتله پصدمه انت مش شايفني جوا الحمام ازاي تدخل كدا
ادهم بعدم فهم وفين المشكله لما ادخل عليكي الحمام ولسه هيقلع
