رواية عندما تجد الأمان الفصل التاسع 9 بقلم نشوه عادل
انت في الصفحة 2 من صفحتين
يا طنط وكمان لارين بتعز الانسة نورهان جدا واول مرة تتعلق بحد بالشكل ده
لارين نور تعالى ظبطيلى الفستان
نورهان حاضر يا حبيبتى عن اذنكم يا جماعة
اخدتها نورهان ومشيت ...دعاء الحمدلله انى قابلتك انا كنت محتاجة اشوفك ضرورى
عز باهتمام تحت امرك طبعا خير!
دعاء شوف يا ابنى ميزان السمعة حساس وخصوصا لما تكون البنت دى لسه آنسة وانت ابن اصول واكيد فاهم قصدى
دعاء يعنى دلوقتى يا ابنى ميصحش ابدا خروج نورهان المتكرر معاك ف الشغل وبعده وكمان ف الاجازات والنهاردة تكون ف بيتك وطبعا انت بتوصلها والجيران بتشوفكم والناس لسانها مش بيرحم والبنت معندهاش اغلى من شرفها وسمعتها لو السمعة اتلوثت واټشوهت وبقت سيرتها بطالة حالها هيقف
دعاء انا واثقة من تربيتى وعارفة بنتى كويسة والل انا وانت نعرفه الناس متعرفوش وكمان لو ملقوش عيب هيطلعه اشاعة منجيش احنا بقى نسهل ليهم كل ده
عز فهمت قصد حضرتك بس والله انا السبب ف تقربى للانسة نورهان هى لارين هى بتحبها جدا ومتعلقة بيها زيادة عن اللزوم
عز حاضر انا هعمل لحضرتك اللى انتى عاوزاه
جات نورهان وقالت يلا يا جماعة عشان نطفى الشمع
خلصت الحفلة ولاحظت نورهان ان عز كان مضايق وحزين وبيتجنب الكلام معاها وده زعلها جدا لكن اتحرجت تسأله ولما رجعت ع البيت مامتها حكيت ليها اللى حصل
دعاء انتى عارفة كويس اوى ان عمرى ما كان تفكيرى كده واللى عملته ده لمصلحتك وبحميكى من قولنا وقال
نورهان حضرتك اللى بتقولى كده دلوقتى مش انتى طول عمرك بتقوليلى اخر حاجة تفكرى فيها وتعملى ليها حساب كلام الناس ونظرتهم عنك
دعاء الكلام ده فى اى حاجة الا السمعة يا نورهان وبعدين انا مش فاهمة انتى مضايقة كده ليه!
دعاء والله انا محرمتكيش منها عاوزة تشوفيها عندك الشركة وقولت لابوها تيجى هنا عادى لكن مرواحك انتى ومجييك والناس يشوفكوا سوى انتى واللى اسمه عز انا مش هقبل بيه هو لا خطيبك ولا جوزك بتخرجى معاه تحت اى مسمى وع اى اساس!
عندما_تجد_الامان التاسع
بقلم_نشوه_عادل
