رواية عهد الأسود الجزء الثانى 2 الفصل السادس والعشرون 26 بقلم زهرة الربيع

كده
روز قالت پغضب ..عارفه انك متقصدش تاذيني..و متقصدش اي حاجه اصلا ...لانك مستهتر جدا عارف بابا معاه حق انت فعلا فاشل حتى السر الصغير ده اللي امنتك عليه مقدرتش تخليه سر لحد ما انا اقوله
نديم غمض عينيه بحزن من كلامها وقال... كده يا روز ماشي معاكي حق في كل كلمه قولتيها ...طيب انا هوريكي الفاشل ده هيعمل ايه انا هصالحك على ابوكي هيرجع يعاملك كأنك بنته عادي جدا زي الاول... بس من النهارده يا روز انتي خسړتي الفاشل ده اللي مش عاجبك... 
روز ابتسمت بسخريه ولا كانه قال اي حاجه ونامت عادي جدا باريحيه على السرير
بعد 10 دقائق كانت هتنام خلاص ... قام نديم من على الكنبه وراح نام جنبها على السرير وشدها لحضنه
روز اتنهدت وسندت راسها على صدره وقالت بنوم....هو الزمان لحق رجع بالسرعه دي
نديم ضحك وضمھا لحضنه اكتر وقال... ما انا لقيتك انتي الزمان وحاضر والمستقبل ..فقولت مالوش لزوم العند بقى
عند غالب كان طول الطريق بيتصل على جبران ومش عارف يتواصل معاه وقال ...وبعدين في الغبي ده ...ليه كل شويه يقلقني عليه ...مش قال هستناك في العربيه ...وبص في المرايه على ملاكه اللي نايم على الكرسي اللي ورا وابتسم وقال ...ربنا يخليكي لعيوني
بعد شويه وصلوا لشاليه جنب الشاليه اللي كان جبران وحنين قاعدين فيه وكانت الدنيا بتمطر جامد
عند اسامه كان حكى كل حاجه لضرغام وضرغام قال بسرعه ...طب كده اتحلت يعني الولد ده على كلامك ده احتمال يطلع مش ابن النعمان اصلا ....لانه لو ده عمه مستحيل يعمل فيه اللي انت بتحكيه ده كله كده يعني مش قريبنا اصلا فمالنا وماله بقى
اسامه قال بسرعه... مالنا وماله ازاي بس بعد كل اللي حكيتهولك بقولك الراجل بيعذبه
ضرغام قال باستغراب ...ايوه وانا بقول لك دخلنها ايه
اسامه قال بسرعه ...دخلينا ايه ازاي انت من امتى قلبك قسي كده
ضرغام ضحك وقال... انا قلبي زي ما هو.... انت اللي قلبك بقى ملبن فجاه