رواية غصون والعاشق المچنون الفصل الأول1 بقلم زهرة الربيع

قال بسرعه..اه..
الظابط بصلها كانت بنت محترمه وواضح انها مثقفه اتنهد وقال..حضرتك صحيح..احم..قولتيلو عاجبني يا ملبس
.و..وايه
ردت بسرعه وقالت..ونفسي فيك ادبس
الشاب قال بسرعه...اهوه يا باشا سامع لسه بتقولها
بصتلو پغضب وقالت..بطل تفاهه يا سيف وسيب حضرة الضابط يرجع شغله
سيف قال حضرتك تعرفيني
اتنهدت بغيظ وبصت للظابط وقالت..حضرتك تقدر تشوف شغلك ده ابن خالي ومريض وبنعالجو متاخدش على كلامه

الظابط بصلو ..وقال لا حول ولا قوة الا بالله انا بقول كده برضو

الظابط مشي وسيف ضحك وقعد قصادها وقال طلعتيني مچنون

قالت بغيظ انت اهبل يلا..انا مش عارفه خالي بعتك معايا ليه

سيف ضحك وقال...اولا انتي كنتي عندنا يعني مينفعش تمشي لوحدك..ثانيا مش هو الي بعتني انا جيت معاكي لاني معايه حاجه هخلصها في اسكندريه وهقعد عندكم كام يوم وبصلها بوقاحه وقال...هيبقو كام يوم عسل واحلى ما فيهم اننا هنكون في بيت واحد

داس على اسنانو پغضب مكبوت وقال...وحتى لو مكنتش جيت..اكيد كنت هحضر خطوبتك يا غصون..وبص لعيونها وقال...هو فيه عريس ميحضرش حفلة خطوبتو

غصون نفخت بزهق وقالت بخبث...اه نسيت اقولك..مش كريم نقل هو وعيلتو في العماره عندنا من شهر قال حابب يبقى جمبي

سيف قال بغيظ وصوت واطي..ابو برود اهلو
غصون قالت.. نعم
سيف ابتسم بالعافيه وقال..بقول انتو تستاهلو
غصون ابتسمت بعدم تصديق وقالت امم..طيب ... وبقت تكمل قرايه..وهو فضل يتكلم معاها  طول الطريق لحد ما اتنهدت وسابت الكتاب وبقت تسمعو وهيه بتضحك بيأس على حركاتو وفضلو يتكلمو لحد ما وصلو وجهتهم

وطلعو على العماره الي ساكنه فيها غصون ..بس اتفاجأو ان  فيه ذغاريد وانوار كتير استغربو وسيف قال..هيه مرات خالي شافتلها شوفه ولا ايه

غصون ضحكت وقالت..وهيه مرات خالك عايشه لوحدها في العماره وواقفت واحد وقالت.. فيه ايه عندنا في العماره يا عم احمد

احمد قال ..عقبالك يا دكتوره ده انهارده خطوبة الدكتور كريم جاركم
غصون اتسعت عنيها بزهول وصدمه وووووو
#غصون_والعاشق_المجنون
#البارت_الأول
#بقلم_زهرة_الربيع