رواية مطلوب زوجة الفصل الرابع 4 بقلم زهرة الربيع
انت في الصفحة 1 من صفحتين
4
احيه... ارتبها..وفي اوضتها... شكلي هتاخر في الترتيب ده وهنترفد في نفس اليوم يا بركة دعاكي يا سوسو
لبنى ضحكه جامد وقالت...صفي النيه.. ان شاء الله خير
خالد ضحك وقال..النيه..النيه مهلبيه.. هو خير قوي بس لو مش هنا..لو اتقفشنا هنتسوح
لبنى بصت له پصدمه من كلامه
خالد قال بسرعه وتوتر.. مش وقت تبرقيلي دلوقتي مش وقته خالص...يارب استر
وطلع ورا البنت اللي ندهته على اوضتها
اول ما وصل كان الباب مفتوح خبط عليه وقال..احم ..حضرتك كنتي عيزاني
كانت حاطه رجل على الرجل وقالت... اتفضل دخل
خالد بلع ريقه وقال..بس انا طباخ ..حضرتك وده مش شغلي
روما قربت عليه وقالت... مش هتفرق كثير المهم ان شغلك يعجبني
خالد بعد بسرعه وقال.. اه اوبا ...لا ما هو حضرتك انا مبعرفش خالص
روما قالت بدهشه...نعم ..مبتعرفش
خالد قال بسرعه ...لا لا انتي فهمتي ايه انا قصدي مبعرفش ارتب الاوض لاني ما اشتغلتهاش قبل كده بس هبعت لك حد من تحت ..عن اذنك ولسه هيمشي
مسكت ايده وقالت .. استنى انا متاكده انه هيعجبني بس جرب
لسه هيتكلم جات لبنى ودخلت فورا وقالت.. خالد
خالد بصلها باستغراب وروما بصتلها پغضب وقالت.. انتي ازاي تدخلي كده من غير حتى ما تخبطي على الباب
لبنى قالت بسرعه..اصلي يا هانم معلش انا اسفه اصل ده الطباخ وسايب الاكل على الڼار وما حدش عارف ياخد باله عليه والاكل هيبوظ
روما قالت... طيب انزل انت دلوقتي بس لسه هنكمل كلامنا وقت تاني
خالد هز راسو بالموافقه و نزل مع لبنى
نزلو يوا وهما متوترين قوي بس اول ما قفلت اوضتها بقوا يضحكوا جامد سوا وخالد قال..برافو عليكي والله
لبنى ضحكت وقالت.. اي خدمه..ولو اني عارفه ان الخدمه انك تفضل فوق... لكن صحيح ليه كنت خاېف يعني
خالد اتنهد وقال مش خاېف..بس انا بلاقي الشغل بالعافيه والموضوع اللي هي عايزاني فيه ده اخرته رفد لا محاله... يلا خلينا نشوف لنا شغل
و نزلوا وبقم يشتغلوا سوا لحد اخر النهار ورجعو على سكنهم بتعب شديد واترمو على السرير هما الاتنين في نفس الوقت
لبنى قالت بتعب...اااه... انا اول مره اشتغل الشغل ده تعبانه بجد
