رواية الحب والحياة الفصل السادس 6 بقلم ندى
انت في الصفحة 1 من صفحتين
6
سامح _ معرفش
تقي _ نعم
سامح _ معرفش هي وافقت واللا لا
ندي _ سامح صحصح كدة هي قالتلك اي
سامح _ انا مفهمتش منها حاجة فضلت تتكلم في حاجات تانية كتيرة وانا مش فاهم حاجة
ضحكت تقي علي اخوها هي وندي اللي مقدرتش تمسك نفسها اكتر من كدة وهو كان بيبصلهم بغيظ
سامح _ انتي بتضحكي علي اي انتي وهي
ندي _ بتقول معرفش وافقت واللا لا ومفهمتش حاجة متوقع مننا اي
سامح _ وانا مالي ما صاحبتكم اللي فصلت تدخلني في حوارت وانا مفهمتش حاجة
مني _ تعالي اقعد ي سامح وقول هي قالتلك اي بالظبط واحنا هنفهم
سامح _ بصوا انا قولتلها اني طالب ايدها للجواز وهي هتبقي تيجي تعيش طبعا معايا انا وتقي وهتفضل هنا لوقت كتب الكتاب
مني _ لحد كدة حلو اي اللي مش مفهوم بقي
ندي _ ما تقول هي قالت اي
سامح _ قالتلي انها مش عاوزة شفقة من حد وانها هتعيش هنا مع طنط مني ومعاكي بس انا قولتلها ان دي مش شفقة واني بحبها بجد ومن زمان وعاوز ربنا يجمعني بيها بالخير
تقي _ بردوا لحد هنا انتي ماشي في السليم اي بقي اللي حصل بعدها
سامح _ ردت وقالت ان حتي لو بحبها مكنش ينفع اني اطلب ايدها دلوقتي لاني كدة حسستها اني بشفق عليها ومش بحبها قولتلها يعني اي اخر الكلام قالت هي رافضاني وفي نفس الوقت هي مش ناوية تتجوز دلوقتي والنبي دا معاناه اي فهمت اي انا بقي
سامح _ فعلا
تقي _ ايوة ي غبي كلنا عارفين ان اميرة مش ناوية انها تتجوز دلوقتي وبما انها قالتلك انها مش رفضاك يبقي كدة تمام
ندي _ مبروك ي سامح ربنا يتمملكم علي خير
سامح _ بس انا عاوز حتي يكون في خطوبة دلوقتي
_ سيبها عليا انا دي انا هحاول اقنعها انكم تعملوا خطوبة دلوقتي بس والباقي يبقي بعدين
سامح _ تمام انا دلوقتي همشي انا وتقي وهنبقي نرجع بعدين لان الوقت اتاخر
مني _ مع السلامة ي حبيبي
خرجوا الاتنين من الشقة ونزلوا ع يروحوا اما ادم فكان لسة قاعد لوحده وكان نظره علي ندي اللي اخدت بالها من دا
آدم _ وانا كمان هضطر اني امشي لان الوقت اتاخر تصبحوا علي خير
بص لندي قبل ما يمشي بابتسامته المعتادة وبعدها خرج هو واسماء ودخلوا لشقتهم ع يستريحوا من اليوم المتعب دا
في اوضة ندي كانت قاعدة مع اميرة اللي كانت بتفكر في حاجة
