رواية عيسى القائد الفصل الثالث عشر 13 بقلم آية محمد
وأنت فهمتها الصح
نجحت في إستمالة قلبه هذه المره فلم يغضب بل قال بهدوء
أنا محبش أبدا حد يعرف اللي بيني وبينك يا زمرد بصي أنتي مراتي و أنا معجب بيكي اه أكيد معجب بأدبك وأخلاقك و إنك قريبة من ربنا و إنك محترمة ومعجب بيكي ك ست زي القمر الحقوق بقي والواجبات وكل الكلام دا أنا حاطه في مكان بعيد بعد فترة إحنا منعرفش اي حاجه عن بعض أصلا والإنجذاب اللي بينا ممكن يروح في أي لحظة طيب ليه أنا أخدت أميال وأنتي خطوات لإنك ببساطه بشكل حرفي فتاة أحلامي اه والله مش بهزر أنا عارفك و عارف شكلك من قبل ما اقابلك شايف الخصله البيضا اللي في شعرك وحاببها من قبل ما ألمسها في الحقيقة أنا حلمت بيكي كتير و صدقيني أنا مش فاهم تفسير دا اي أنا شوفت شعرك قبل كتب الكتاب لكن وشك كان بعده فأنا كنت مصډوم برغم كل شئ علشان كدا أنا مش حاسس انك غريبة مش حاسس انك أول مرة تكوني جمبي هو دا السبب مش علشان براوغ ولا حاجة ولا الكلام اللي صاحبتك بتقوله أنتي جيتي كملتيلي حياتي بوجودك و زي ما قولتلك كمان قبل كدا أنا مكونتش ضد الجواز علشان متعقد أنا بس علشان الجواز مسئولية حابب أكون قدها ولما جيتي بيتي أنا حسيت إني مستعد للمسئولية دي
ياااه كدا الواحد ينام وهو مرتاح البال
بس بردو علفكرا دا مش معناه إني مش زعلانه إن في أول جوازنا بيحصل كل دا و مش عارفين نخرج سوا أنا بحب الخروج والله واتحرمت منه كتير بسبب الزفت اللي اسمة كريم المچنون دا
ابعته مصحة دا مچنون بجد مش طبيعي أنا ملحقتش أكملك اصلا عمايله بسبب كل اللي حصل معاك
وبرغم أنه تقريبا أخذ تقريرا مفصلا عن حياة ذلك الشاب إلا أنه أراد سماعها فقال بإهتمام
يلا إحكيلي
أخر حاجة قولتها لما معرفتش أهرب منه ورجع تاني ربطني في الأوضة ومكانتش المشكلة في كدا أنا فضلت مربوطة طول الليل لحد ما سمعت صوت تنهيدات قوية حد بيعيط و أنا طبعا واثقة إني مفيش غيري في المكان خۏفت أوي ساعتها وأنا مش فاهمة و حاسه بالخطړ حواليا و المشكله إني مربوطة مش هعرف اساعد نفسي لا منه ولا من أي خطړ تاني هو كان خرج وقفل عليا الأوضة كان فيها كرتونة كبيرة وفجأة لقيتها بتتحرك الموضوع اتحول من فيلم اكشن لفيلم ړعب يمكن علشان انا بحكيلك كدا بإستهزاء شوية بس أقسملك إني كنت بتشاهد وخلاص يا حاجه هتهجم عليا وأموت يا ھموت من الخۏف
الكرتونة إتقلبت و خرجت منها بنت في نفس سنى تقريبا فقولت هو مهوس بيها وبيا في نفس الوقت ولا هو بياخد كل واحده يتهوس بيها شوية ولا اي!!!
فلاش باك
أنتي مين!!
أنتي اللي مين!
أنا مخطۏفة المچنون دا خط فني هو اللي عمل فيكي كدا! أنتي كمان مخط وفة!!
أنا اخته
هو اللي عامل فيكي كدا!!!!
كريم عقله مش متزن
