رواية جرعة مشاعر الفصل العاشر 10 بقلم أميمة عبد الله

إيديه.
قالت ريم هاجي معاك  
ركبوا العربية وأتحركت بإتجاه أسكندرية.
قال عمر لفريدة تحبي تخرجي تاني إنهاردة  
قالت فريدة بفرحة ياريت 
قال عمر علي فكرة أنا بحثت علي موضوع إسقاط القضية وطلع إنه مش ضروري تروحي القسم طالما الجواز بإرادتك والسفر بإرادتك فالقضية بتسقط لوحدها 
سمعت فريدة الكلام وسكتت.
تابع عمر تحبي تروحي أماكن إيه في إسكندرية  
قالت فريدة بعدم مبالاة أي مكان  
قال عمر وهو بيفكر الملاهي مثلا! وبعدها نروح مول تشتري منه حاجات السفر لبس وشنط والحاجات اللي ممكن نحتاجها 
بصلها وقال إيه رأيك!  
إبتسمت فريدة بتصنع وقالت ماشي 
قرب منها عمر إتأمل ملامحها وقال مش هاجبرك تتجوزيني يا فريدة جوازنا هايكون علي الورق بس..مافيش حاجة هاتمشي من غير رضاكي 
قالت فريدة مافيش حاجة ماشية برضايا إنتي بتحطني قدام كل الإختيارات اللي أنت عايزها 
قال عمر خلاص مانتجوزش نسافر..تعيشي كل أحلامك 
قالت فريدة رجعني لأهلي يا عمر وإنساني دي كل أحلامي 
وقعت الكلمات علي قلب عمر كإنها جمر سكت وغلبه السكوت علي إنه يدافع عن حقه فيها.
قال بنبرة حزينة هاتقبلي تكوني مع راجل تاني! 
قالت فريدة مش عايزة حاجة غير إني أكون حرة أكون أنا..فريدة 
قال عمر بإنفعال ولوم أنا بيعت عربيتي وسيبت أهلي وشغلي وأحلامي عشانك غيرت كل خططي عشان أكون معاكي هنا بين إيديك أنفذ كل اللي تأمري بيه أنا كمان مش حر يا فريدة..أنا رابطني بيكي حب مخليني زي العبد 
قالت فريدة بأنفعال ماحدش طلب منك تعمل كل دا أنا طلبت منك تشوف حياتك 
قال عمر بعصبية وصوت عالي إنتي حياتي  
تابع إنتي كل حاجة يا فريدة ليه مش قادرة تفهمي دا 
حاول يهدي بعد خطوات لورا وقال أنا عندي أستعداد أغير كل خططي تاني بس تكوني معايا قوليلي عيزاني أحبك إزاي..أقدملك إيه أيه في الدنيا يرضيكي وأعمله من غير ما تبعدي 
تابع بعصبية أنا كمان صعبان عليا نفسي وانا متذلل طول الوقت قدامك وأنا بعمل كل حاجة ضد مبادئي أنا كمان مش حر يا فريدة 
قالت فريدة بحزن وعتاب مابقتش بحبك حتي مش قادرة أشفق عليك إنت في الماضي بتاعي يا عمر..ماضي أنا مش عايزة أفتكره تاني 
قال عمر بإستسلام إزاي كلامك قاسې كدا عليا ! 
تابع بنبرة مرتعشة أنا لو قتلتك هنا ماحدش هايحس لو أذيتك ماحدش هايعرف لو قويت عليكي ماكنتيش هاتقدري تقاوميني 
تابع بهزيمة أنا كنت بشوف راحتك فين طول الوقت وأعملها دولاب مليان لبس بتحبيه رف مليان كتب بتحبيها  
تابع بعصبية واضحة وهو بيرمي الشاشة علي الأرض أشتراك نتفليكس عشان مسلسلاتك تلاجة مليانة بكل الحاجات اللي بتحبيها حمام فيه كل الحاجات اللي بتستعمليها والحاجات اللي كان نفسك تشتريها 
مشي تجاه الدولاب وفتحه بعصبية
 وبقوة وطلع صناديق كتير رماها علي الأرض كل الحاجات اللي ممكن تشتيها أو يهف ليكي الشوق تستخدميها حتي اللحاف اللي نايمة عليه كان نفسي تشتريه في جهازك كل التفاصيل 
بص حواليه زي المچنون وقال كل التفاصيل عملتها زي ما بتحبي مافيش حاجة عملتها زي ما بحب 
قرب منها بعصبية شديدة وقال مارضتش أنام جنبك ولا ألمسك مارضتش أقول جملة تتعبك ولا أمارس عليكي نص الألم اللي سببتهولي 
تابع بعيون مدمعة محمرة كل دا وماحبتنيش! كل دا كان بنسبالك ولا حاجة! 
أتسمرت فريدة مكانها كانت عيونها پتبكي بملامح خالية من التعبير.
شدها من إيديها بقوة ردي عليا كل دا ماخلكيش تحنني قلبك عليا لو مرة 
زقت أيده وقالت بإنفعال عشان الحب مش محتاج مجهود مش حاجة بإيدينا ولا دي طريقته 
تابعت أنا كل هدفي أهرب منك مش أني أكمل معاك..سبني أمشي يا عمر  
قال عمر بحزن وهزيمة واضحة إنتي عمرك ما حبتيني 
بعد ساعات وصلت عربية أدهم عند السوبر ماركت.
نزل منها أدهم وريم ووقفوا قدام السوبر ماركت.
ظهرت بنت جميلة وقالت أتفضل  
حكي أدهم المكالمة اللي حصلت وقال إنتي أكيد البنت اللي كلمتني 
قالت البنت وطي صوتك أرجوك بابا لو عرف إني قولتلك حاجة هايقتلني  
قال أدهم لا ماتقلقيش هاعمل زي ما إنتي عايزة..بس قوليلي ألاقي عمر فين 
قالت البنت لا مش عارفة هو بييجي بعربية وبيمشي بيها ف مش عارفة هو ساكن فين بالظبط بس ممكن تقعد هنا تستناه 
قال أدهم أستناه قد أيه!  
قالت البنت يمكن يوم أو يومين او تلاتة أو أكتر..بس هو مش أكتر من أسبوع 
بص أدهم لريم بخيبة أمل ودخلوا العربية.
قال أدهم لازم نلاقي طريقة نوصله بيها إنهاردة..فكري معايا 
يتبع
جرعة_مشاعر
ل أميمة عبدالله