رواية يمنى وإلياس (أحد أملاكى) كاملة بقلم زهرة الربيع

حبيبة قلبي انا نفسي اطمن عليكي قبل ما اموت بلاش تعذبيني كده انسي الي فات واتجوزي وعيشي حيانك انتي بتقطعي قلبي كده
يمنى بصتلو بحزن وقالت ارجوك يا جدو متضغطش عليا انا مش قادره
حامد قال بحزن وتعب براحتك يا يمنى متسمعيش كلامي انا اسف اني اتدخلت في حيا تك كنت فاكر ان ليه غلاوه عندك وانك هتسمعي كلمة الراجل العجوز الي ضيع عمره عليكي
يمنى ملقتش حل معاه غير الفكره الي كانت بتخطط لها قالت انا والله اتمنى اسمع كلامك يا جدو بس مش هينفع ابدا
حامد قال باستغراب ليه مش هينفع يعني
يمنى قالت بحزم مش هينفع اتجوز علشان انا اصلا متجوزه
الكل وقف في حالة صډمه وحامد قال بتهتهة مت مت ايه متجوزه امتى ومتجوزه مين 
يمنى قالت متجوزه واحد اتوظف جديد في الشركه حبني وحبيتو بس خبيت لان ظروفه الماديه وحشه ويمكن تشفوه مش مناسب بس انا بحبو
سميه وحامد انزهلو من كلامها بس ردة فعلهم كانت غريبه جدا حضنو يمنى بسعاده وبقو يباركولها
سميه قالت بسعاده كبيره الف مبروك يا عمري مبروك يا حببتي
حامد قال بفرحه واضحه على ملامحو مكانش ليكي حق تخبي علينا انا امنية حياتي يرجع قلبك يدق من تاني وتفتحي قلبك للدنيا انا كنت فاكر اني ھموت قبل ما اشوفك مبسوطه مع انسان تختاريه
وهنا معتز اټجنن وقال بعصبيه انت بتبارك لها يا جدي بدال ما توقف المهزله دي الحيوان الي اتجوزتو مين ما كان يطلقها مش على اخر الزمن هناسب حتت موظف لاراح ولا جيه ويمنى مش هتتجوز غيري انتو فاهمين
يمنى كانت بتبصلو بسخريه ومبسوطه جدا انها دايقتو وحامد قال بهدوء يا معتز يا حبيبي الجواز قسمه ونصيب وخلاص بنت عمك اتجوزت يبقى تعتبرها زي شرين اختك وتبارك لها ماشي يا حبيبي
معتز بصلهم پصدمه وبقى يبص ليمني پغضب وقال بعصبيه اوعي تفتكري ان كده خلصتي مني وحياتك لاوريكي واوريه النجوم في عز الضهر وانتي عارفه معتز الصياد لما بيوعد بيوفي ومشي من قدامهم پغضب شديد
اما حامد قال بلهفه سيبك منو قوليلي جوزك اسمو ايه
يمنى بصتلو وقالت بارتباك احم الياس اسمو الياس
سميه قالت وهتجبيه نتعرف عليه امتى
حامد رد بسرعه ايه نتعرف عليه دي يمنى انتي وجوزك هتفضلو معانا هنا وانا يعلم ربنا هعامله زي معتز ومنير بالظبط انا مقدرش استغنى عنك او تبعدي عن عيني
يمنى ابتسمت وقالت ان شاء الله يا جدو هو بس اصلو اصلو مسافر وهيرجع انهارده او بكره بالكتير واول ما يرجع هجيبو على هنا على طول يلا عن اذنكم هروح ارتاح اصلي تعبانه قوي
واول ما راحت اوضتها رنت بسرعه على علي وقالت اسمع يا عم علي وركذ معايا كويس هتجبلي خط سير الشاب الي جبتهولي الصبح وتعرفلي كل كبيره وصغيره عنو عايزه كل المعلومات تبقى عندي الصبح وقفلت معاه من غير ما تستنى حتى ردو
في بيت الياس كان قاعد مع اسرتو الصغيره وحكالهم على الي حصل معاه وانو هيسيب الشغل
محمد وده يبقى ابو الياس قال خير ما عملت هيه اناس دي ايه حتى البشر بيعه وشړوه
الياس اتنهد وقال مع انك لو شوفتها يا بابا استحاله تقول يطلع منها كل ده جميله جدا وصغيره وواضح انها مثقفه ده غير انها غنيه جدا بس مش عارف ليه عملت معايا كده وايه حكاية الجواز الي هبت في دماغها فجأه دي يلا اهو تقدر تقول الرزق انقطع لحد هنا
جات بنوته جميله جدا بملامح بريئه جذابه عمرها ١٩سنه دي تبقى تسنيم اخت الياس قالت ولاتزعل نفسك بكره تلاقي شغل احسن مېت مره
الياس ابتسم وقال ان شاء الله يلا انا هروح انام وبكره ان شاء الله من الصبح هدور على مكان تاني
في صباح يوم جديد يمنى كانت مستنيه علي في المكتب وعماله تمشي رايح جاي بتوتر شديد لحد ما دخل علي وقال انا اسف يا هانم اتأخرت عليكي
يمنى قالت پغضب المهم عملت ايه اخلص قول
على قال عرفتلك عنو كل حاجه هو ولد من عيله بسيطه جدا دارس طب ونفسو يفتح عيادتو بس معندوش امكانيات كان بيشتغل اثناء دراستو ويجيب مصاريفو وبعد ما اتخرج بقى يشتغل في مستشفى بمرتب بسيط ووالدو كان بيكمل معاه مصاريف البيت لحد من فتره والدو تعب واضطر هو يدور على شغل يكون فيه دخل اكبر وعلشان كده اشتغل هنا
يمنى كانت بتبصلو بغيظ وقالت پغضب انا قولتلك تجبلي قصة كفاحو انت بتستعبط وحاولت تهدى وقالت عم علي انت فاهم انا عايزه ايه اخلص علشان انت عارف ان الي بتقولو ده مش هيخليني اشفق عليه فاتكلم وخلصني
علي قال بحزن ايوه عارف عندهم شقه صغيره كان عليها خلاف مع صاحبها والد الياس اشتراها من سنين والراجل اداه المفتاح من غير ما يديه عقد او اي حاجه تثبت حقو وبعد كده حب يخرجهم