رواية البدلة الحمراء الفصل الخامس 5 بقلم عادل عبد الله
انت في الصفحة 3 من 3 صفحات
ممكن تاخد شهور وممكن سنة واحيانا سنتين وأحيانا أكتر من كده .
وليد وممكن تظهر برائتي بعد كل ده
لطفي ممكن طبعا وممكن العقۏبة تتخفض للسجن المؤبد وممكن محكمة النقض تأيد الحكم ويبقي نهائي .
وليد ولو المحكمة أيدت الحكم
لطفي يبقي الحكم هيتنفذ .
وليد غريبة يا عم لطفي أنك بتتكلم وكأنك متعلم وفاهم قانون !!
لطفي ايه الغريب في كده
وليد لمؤاخدة يعني علشان محكوم عليك في قتل وسړقة بالاكراة !!
لطفي مش غريبة ولا حاجة أنا كنت بتعلم في المدارس ودخلت معهد فني بعد الدبلوم لكن حصلت ظروف وسيبت الدراسة واتجهت للسړقة ومشيت مشوار طويل في الغلط لحد ما وصلت للي انا فيه دلوقتي .
لطفي اخر جلسة ليا باقي عليها ٣٦ يوم .
وليد ياااه !! أنت بتعدهم باليوم !!!
لطفي أيوه علشان لو المحكمة أيدت الحكم هيبقي حكم نهائي وهيتنفذ بعدها في أي يوم .
وليد وأنت يا عم لطفي مظلوم ولا
لطفي لا يا وليد أنا مش مظلوم واستاهل الاعډام .
وليد بتعجب انت اول واحد اشوفه يقول علي نفسه أنه يستاهل الاعډام .
لطفي هي دي الحقيقة لكن أنا عايز اعيش .
وليد سامحني يا عم لطفي عايز تعيش ليه
لطفي علشان لسه فيه حاجات كتير في الدنيا عايز اعملها أولها أني أحاول اكفر عن ذنوبي اللي عملتها وعايز افرح بعيالي واجوزهم حاجات كتير في الدنيا لسه عايز اعملها .
لطفي طيب قوم بقي افرش فرشتك اللي هتقعد وتنام عليها ويلا نجهز لقمة نتغدا علشان يبقي عيش وملح .
في منزل أهل حسام وبعد سفر حسام وعودته لعمله دخلت الام لتنام في غرفتها بينما أقترب هاني من أخيه ممدوح ضاحكا وقال له هات ٢٠ جنية .
ممدوح ممعيش فلوس .
هاني انا لسه كنت شايف فلوس في ايديك من ساعتين .
ممدوح صرفتها .
هاني انت كداب يلا هات ٢٠ جنية انزل
العب بلايستيشن مع العيال .
ممدوح غور في داهية من وشي ممعيش فلوس .
هاني اشمعني دلوقتي بتقولي لا وبتقولي غور من وشي ....
