رواية عهد الضبع الفصل الحادى عشر 11 بقلم نور محمد
انت في الصفحة 4 من 4 صفحات
ضبع ببسمه:مفيش ياقلبي بس طلبوني في الشغل علشان المهمه اللي ماسكها انا من سنين ولازم اروح دلوقتي ضروري بس مش هتأخر عليكي ماشي ياعهدي
عهد بتوتر وقلق:ضبع متروحش انا قلبي مش مطمن للمهمه دي ارجوك خليك معايا انا خاېفه عليك اوي
ضبع بحب:اهدي ياعهدي انا ماسك المهمه دي من زمان واخير عرفنا مكانهم بقى فين ولازم اروح بنفسي اقبض عليهم متقلقيش زوجك ظابط قد الدنيا ومن اقوي الظباط في المخابرات السريه حتي ملقبيني بضبع المخابرات ياقلبي
عهد بقلق:تمام طيب اوعدي انك هترجع ليا بخير ياضبع ارجوك
ضبع ببسمه:حاضر اوعدك باذن الله هرجعلك بخير وبعدها هنطلع شهر عسل بره مصر في أي مكان انتي عاوزه تمام
عهد ببسمه:تمام ربنا يحرسك ليا يارب
وبعد وقت ضبع جهز نفسه ولبس بدلته الرسميه في القصر لاول مره ونزل تحت لقى حازم وليلى معاه وهو بيأكلها بأيده بحنيه فبتسم وقرب منهم بحب وقال
:صباح الخير والسعادة
حازم بانتباه:صباح العسل ياضبع وصباحيه مباركه ياعريس
ضبع ببسمه:الله يبارك فيك ياحبيبي
ضبع سابه وقرب من ليلى وقعد قدامها بحزن وندم وقال:ليلى سامحيني على كل حاجه عملتها معاكي يابت عمتي انا اسف اوي ونفسي تسامحيني بجد ياليلى
ليلى رفعت عنيها ليه بتعب وقالت:وانا مسامحاك ياضبع المهم ان كل حاجه بقت تمام دلوقتي وكل واحد رجع لمكانه الصحيح دلوقتي
ضبع ببسمه:عندك حق ياليلى كل واحد لقى نصه الحلو دلوقتي علشان كده انتي طالق وربنا يقدرني وافرحك انتي وحازم الباقي من عمركم سوى
حازم كان هيطير حرفيا من السعاده وليلى كمان ابتسمت بسعاده كبيره وضبع وقف وقال:عن ازنكم بقى دلوقتي وادعولي بقى انجح المره دي واقبض على العصابه اللي مطلعه عيني من سنين
حازم ببسمه:ربنا معاك ياحبيبي وخلي بالك من نفسك كويس
ضبع بحب:ان شاء الله ياحبيب اخوك ياله سلام بقى
ليلى وحازم مع بعض:سلام ياضبع وربنا يحميك لينا يارب
وبعد خروج ضبع من القصر كانت في عيون بتراقبه حتي انطلق بالعربيه وطبعا العيون دي كانت سوزي مرت ابوه اللي ابتسمت بخبث كبير وهي بتقول:واخيرا هخلص منك ياضبع انا استنيت اليوم ده بفارغ الصبر فرحان طبعا علشان هتقدر تقبض على العصابه الي مطلعه عينك من سنين ومتعرفش اني مخططه لموتك قبل ماتوصل لمكان المهمه اصلا وقطعت سلك فرامل عربيتك علشان قبل ماتوصل لمكان المهمه اخلص منك في الجرف الموجود هناك قلبها واخيرا اقدر اقول دلوقتي باي باي يابن رقيه الغالي.....
يتبع...بقلمي نور محمد
تتوقعوا سوزي هتنجح او لا ده هنعرفه في الفصل القادم والاخير من روايه عهد الضبع بأذن الله تعالي 💙
