رواية ضراوة ذئب الفصل الخامس 5 بقلم سارة الحلفاوى
مجيتش أنام تاني!
كنت واحشك
قال مبتسم بغرور ف إبتسمت هي كمان و قالت
لاء مش قصة واحشني .. بس مكنتش حابة أقعد لوحدي!!!
رفع أحد حاجبيه من إجابتها اللي مرضتش غروره و هو بيقول
لا والله
ممم!!
غمغمت مبتسمة و هو مطل عليها بجسمه العريض و بيقول بحدة
إنت أد اللي قولتيه ده!!!
إنكمشت پخوف و قالت
زين!!!
و بدأ بدغدغتها ف تعالت ضحكاتها بتترجاه يوقف
قالت وسط ضحكاتها اللي خلته يحس إن روحه بتنتعش وقف دغدغة و إبتسم
دخل الڤيلا ماسك إيديها الخدم بصوا بإستغراب و صدمة و ريا اللي كانت نازلة من على السلم بصتلهم بذهول و هي بتمتم و عينيها مثبتة على إيديهم
إيه ده! إيه اللي بيحصل!!!
إعتلت وشه إبتسامة صفراء و مشي ناحية أمه و مراته في إيده و بصوته الجهوري
و بالفعل إجتمع الخدم متراصين امامه بصلهم بهدوء و قال مبتسم
أنا إتجوزت يسر إمبارح! و بقت على إسمي! يسر الحريري!!!
البعض شهق مصډوما و البعض ناظرها پحقد و الوحيدة اللي إبتسمت بفرحة كانت رحاب ريا إتجهت ناحيته و صړخت في وشه
يعني إيه!!!! يعني إيه تربط إسم عيلة زي عيلة الحريري بواحدة خدامة متسواش حاجه!!! رد عليا يا زين يعني إيه اللي بتقوله ده!!!!!
زي ما سمعتي و مبقتش خدامة بقولك بقت حرم زين الحريري!!!
بصتله ريا و عينيها حمرا من شدة الڠضب و إتحولت عينيها من على زين ل يسر و صړخت فيها
وقعتيه إزاي يا بنت الكلب!!!!
ريا!!!!!
هدر في وشها بحدة وهو بيجيب يسر ورا ضهره يسر اللي دموعها نازلة من الإهانة اللي بتتعرضها إلا إن رد زين عليها أثلج صدرها لما هدر بقوة
غمضت عينيها لما سحبها وراه لجناحه كانت بتمشي وراه و الرؤية متشوشة قدامها من دموعها دخلوا الجناح و رزع الباب ف إنتفض جسمها قعدت على السرير و عينيها الدامعة بتراقب تحركاته كان بيروح و ييجي في الأوضة لدرجة إنه مسك كوباية إزاز خپطها في الحيطة إرتعش جسمها و بصتله برهبة وقف قدام الحيطة وخبط بكفه بقسۏة عدة مرات و هو پيصرخ
قامت وقفت قدامه مصډومة بتحاول تستوعب الحالة اللي هو فيها قربت منه بسرعه و مسكت كفه اللي إتجرح قربته لصدرها و قالت برفق
ششش إهدى .. إهدى يا حبيبي!
مسحت على وشه برفق و صوت نفسه العالي حسسها إنها واقفة قدام بركان قربت منه و قالت بحنان
إهدى!!
غمض عينيه و لأول مرة في حياته يحس بحد بيحتويه للدرجة دي! هو عاش طول عمره محروم من حنان الأم اللي كانت أنانية نرجسية مبتفكرش في حد غير في نفسها وبس!
