رواية اڼتقام شمس الفصل الثالث عشر 13 بقلم زهرة عصام

اڼتقام شمس ١٣ 
أنا عاوز أعرف مين اللي طرد مراتي من هنا و عشان اية و مييين

إنتوا يا اللي عايشين في البيت دا اخرجولي عشان هيبقي يوم أسود على الكل

الكل خرج على صوته اللي سمع في القصر كله حتي الخدم خرجوا يشوفوا فيه اية و اية صوت الزعيق دا

الكل بقي واقف منظر اية اللي هيحصل و كسر السكوت دا صوت شهاب العالي اللي قال :-

مراتي مين اللي طردها من هنا ، مۏت أنا عشان تبيعوا و تشتروا فيها 
بص على مروان و مازن و قال:- 
و إنتوا يا بهوات كنتوا فين و امكم بتتهان و بتنطرد من البيت ؟! 
كل دا عشان واحدة ملهاش لا أصل ولا فصل بنت حر.ام

نزل على وشه لوح الجه التانية و الكل فتح عيونه على وسعها و بقي يتفرج و منتظر رد فعل شهاب اللي الصدمة لجمت لسانه و بقي على وضعه لحظات قبل ما يرفع عينه على اللي و يبصله پغضب

الجد رفع صابعه في وش شهاب و قال بتحذير:- 
إياك اسمعك بتقول نص كلمه على شمس تاني ، شمس فعلاً مش بنتك لأن ميشرفهاش إنك تكون أبوها ، شمس تستاهل يكون أبوها واحد أحسن منك واحد يحس مش جبله زيك بيعلق أخطائه على شماعه غيرة و مش بيعترف بيها و يحاول يصلحها

شهاب بقي واقف يبص لـ والده بعيون جامدة و سامع كل كلامه بس بيضغط على ايده بعصبية عشان ميردش عليه

شمس كانت خرجت من اوضيتها و باصة من فوق السلم عليهم و سمعت كلام والدها عليها و دا خلاها غمضت عيونها جامد بۏجع

كلامه نزل على قلبها سكاكين بتقطع فيه ، ۏجعها لدرجة كانت حاسة مش قادرة تاخد نفسها و قلبها هيقف من كتر الۏجع 
فتحت عيونها اللي الدموع متجمعة فيها بس مش راضية تنزل و حاولت على قدر الإمكان متبينش إنها سمعت حاجة قدمت خطوة لقدام بحيث تلقي على سور السلم

أول ما بدأت تتحرك زياد لمحها و بسرعة كان عندها ماسك اديها و ميل على ودنها و قال:- 
تيجي نلعب مع بعض في الاوضة بتاعتك أنا كنت مستنيكي تصحي من بدري عشان ألعب معاكي ، مش لاقي حد يلعب معايا يرضيكي يا شموسة

شمس هزت راسها بالنفي و بصت لـ حازم بحب هي عارف أنه عاوز يشغلها عنهم و ياخدها بعيد عشان متسمعش حاجة و نفسيتها تتأثر بس للأسف هي سمعت كل حاجة ، سمعت اللي المفروض سندها في الحياة بيقول عليها بنت حرام !! سمعت كلام في حقها 

ابتسمت لـ زياد و قالت بصوت واطي و هي بتشاور على الجد و شهاب:- 
عاوزة اتفرج

زياد عينه دمعت عليها و قال بصوت مهزوزو :- 
عشان خاطري يا شمس تعالي ندخل جوه و هجيبلك شكولاته دول وحشيين و هيزعقوا جامد

شمس هزت راسها بالنفي و حولت نظرها عليهم من تاني بس المرة دي نظراتها واضحة و بيها بعض الحدة و قالت في نفسها:-

لا مش وقت انكسار ، لا مش هتيجي على دي و اتكسر قدامهم ، إنت اللي بدأت اللعبة دي