رواية مكتوبة على اسمي الفصل التاسع والثلاثين 39 "بقلم ملك إبراهيم"
انت في الصفحة 4 من 4 صفحات
لازم تكوني على علم بيها وبكل حاجة بتحصل وكمان عايز انبهك ان خبر اختفاء الباشمهندس عامر وحاډثة باشمهندس شريف انتشر وده هيسبب قلق لعدد كبير من أصحاب المشاريع اللي متعاقدين مع الشركة وحضرتك لازم تطمني الكل ان كل شئ مكمل والشغل هيتنفذ وكأن الباشمهندس عامر موجود واللي هيخليهم يثقوا فيكي انهم يشوفوا بنفسهم انك واثقه في نفسك ومتسمحيش لاي حد يشوف دموعك او يحس بضعفك
كلام المحامي فرق مع آيات كتير وحست بالمسؤلية الكبيرة اللي عليها
المحامي استأذن منها وخرج وكل الموظفين في الشركة بدؤ يتهامسوا مع بعض وكلهم مصډومين ان الموظفه الجديدة آيات تطلع مرات عامر الجراحي وموظفين غيرهم كانوا خايفين ان الشركة توقف شغلها لان آيات بالنسبه ليهم معډومة الخبرة!
رواية مكتوبه على اسمي بقلمي ملك إبراهيم
بعد مرور اسبوع
في المكان اللي عامر محتجز فيه
دخلت جيسيكا الغرفة وعامر كان قاعد مكانه وساند ضهره على الجدار خلفه ومغمض عينيه
جيسيكا وقفت تتأمله بأعجاب وقربت منه لكن عامر فتح عينيه
جيسيكا بصتله وابتسمت وقالت الحفلة غدا هل أنت مستعد
عامر زفر بتعب وقال اريد الخروج من هنا بأي وسيلة وبأي ثمن
جيسيكا لم يبقى الكثير فقط ساعات قليلة وستكون معي أريد أن أعرف كيف سترسل الأموال إلى حسابي
جيسيكا ابتسمت باستمتاع وقالت سوف تثق بي عندما أستطيع ان أطلق سراحك من هنا غدا
عامر اتنهد بتعب لانه كان زهق من الحبس في المكان ده وعايز يخرج بأي طريقه ومهما كان التمن!
جيسيكا ابتسمت بثقة وخرجت وعامر قعد مكانه وكان جواه ڠضب كبير منهم ونفسه تيجي الفرصة ويعاقبهم علي احتجازهم ليه!
رواية مكتوبة على إسمي بقلمي ملك إبراهيم
داخل شركة منافسة ل شركة عامر الجارحى
صاحب الشركة وقف پغضب وهو بيزعق في موظف عنده وقاله ازاي مش عارفين ناخد ولا مشروع واحد من شركة الجارحى رغم انتشار خبر اختفاء عامر وحاډثة شريف!! إزاي الشغل مكمل عندهم!!
صاحب الشركة ازاااي ده حصل إزاي!! مين اللي بيدير شركة الجارحى
رد الموظف مرات عامر الجارحى
اتكلم شاب كان قاعد بيتابع الحديث بينهم بصمت وقال إزاي مرات عامر الجارحى اللي بتدير الشركة دي بنت صغيرة وواضح انها معندهاش اي خبرة!!
صاحب الشركة بص للشاب اللي اتكلم وسأله باهتمام انت تعرفها يا علاء
رد علاء بثقة اه قابلتها في اخر مؤتمر كان عامر الجارحى ضيف الشرف
فيه ومكنتش اعرف انها مراته وبصراحة عجبتني وقربت منها عشان احاول معاها بس فجأة لقيت عامر في وشي!
علاء لما عرفت انها مراته مشيت وسيبتهم ومشوفتهاش تاني بس كان واضح انها لسه صغيرة ومعندهاش خبرة دي كانت بترتعش لما قربت منها واتكلمت معاها!
صاحب الشركة حلو الكلام ده يبقى انت تروحلها الشركة وتحاول معاها مرة تانيه والمرادي مفيش عامر يعني الطريق هيكون مفتوح قدامك
علاء بتفكير انا كنت نسيت الموضوع ده بس البنت حلوة وتستاهل
صاحب الشركة يعني اثق فيك في المهمة دي
علاء بثقة قولي عايز منها ايه واللي انت عايزه هيحصل
صاحب الشركة قعد براحة علي مكتبه وقال عايز شركة الجارحى تقع وشغلهم كله يتعطل واسمهم يبقى في الارض الفرصه دي مش هتتعوض تاني يا علاء
علاء قام وقف وقال بثقة اعتبر مرات عامر الجارحى في ايديك
صاحب الشركة ابتسم بثقة وعلاء خرج من الشركة واتحرك على شركة الجارحى بقلمي ملك إبراهيم
يتبع
