رواية مكتوبة على اسمي الفصل الواحد والأربعون 41 "بقلم ملك ابراهيم"

دعوة ب عامر ولا ب مراته.. انا مش عايز غيرك انتي في حياتي.
ميسرة فرحت بكلامه ليها وابتسمت وميرنا خرجت من الغرفة وسابتهم لوحدهم.
عزيز حاول يقعد على السرير وهو بيمثل انه پيتألم من قلبه وميسرة ساعدته وهو مسك أيديها وقالها اوعديني انك تفضلي معايا لاخر العمر.. انا مش هقدر أعيش في الدنيا دي من غيرك.
ميسرة خجلت من كلامه الرمانسي بالنسبه لها وقالتله اوعدك يا حبيبي.. بس انا مش هقدر ارجع معاك البيت قبل ما اطمن علي عامر ويرجع.. مش هقدر اسيب آيات لوحدها.
عزيز اتكلم معاها برجاء ليلة واحدة بس يا ميسرة محتاجك جنبي فيها.
ميسرة ابتسمت بخجل وقالتله ماشي يا عزيز خليها بكره اكون عرفت آيات اني مش هقدر انام في الفيلا معاها الليلة دي.
عزيز قبل أيديها وقالها انا هعد الساعات لحد الليلة دي.. وحشتيني اوي يا ميسرة.
ميسرة ابتسمت بخجل وعزيز سألها بخبث يعني انا كده هفضل هنا في شقة كوكو لحد بكره 
ردت ميسرة لا طبعا يا حبيبي انت هترجع بيتنا انت وميرنا من النهاردة.
عزيز فرح من جواه بنجاح خطته وقالها بس انا مش عايز ارجع بيتك تاني يا ميسرة.. انتي في لحظة ڠضب رميتيني انا وبنتي في الشارع.. انا هفضل هنا عند كوكو لحد ما اشتري بيت من فلوسي.
ميسرة بحزن مفيش فرق بيني وبينك يا عزيز وبيتي هو بيتك.
عزيز ما انتي زمان اول لما اتجوزنا قولتلي نفس الكلام ده وفي لحظة ڠضب طردتينا انا وبنتي وانا راجل عندي كرامة ومقبلش اني اعيش في بيت مراتي وكل ما نزعل مع بعض شويه تطردني من بيتها!
ميسرة بزعل خلاص متزعلش يا عزيز وقولي ايه اللي يرضيك وانا هعمله
رد عزيز بخبث اللي يرضيني هقولك عليه بس مش دلوقتي.. لما نكون لوحدنا.
ميسرة بدهشة ما احنا لوحدنا اهو يا عزيز 
عزيز قصدي لما نبقى في اوضتنا لوحدنا.
ميسرة ابتسمت بخجل وقالتله طب انا هقوم دلوقتي عشان ارجع الفيلا وبكره نتقابل في بيتنا.
عزيز وانا هستناكي في بيتنا علي ڼار يا حبيبتي.
.....
خارج الغرفة اللي عزيز وميسرة كانوا قاعدين يتكلموا فيها.
كوكو كان قاعد علي الكنبه براحة وبيتفرج علي التلفزيون وبياكل في طبق فاكهة وميرنا رايحة جايه قدامه بقلق وخاېفه ان باباها ميقدرش يقنع ميسرة انها ترجعله.
كوكو زعق فيها كفايه بقى اقعدي في مكان وترتيني.. امتى هتمشوا من هنا بقى واعيش في شقتي برحتي.
ميرنا قربت منه وهي متوتره وقالت تفتكر بابا هيقدر يقنع طنط ميسرة ترجعله تاني
كوكو وهو بياكل فواكه اطمني يا بيبي ميسرة هترجعله عشان هي عبيطة.
ميرنا شهقت پصدمة وطي صوتك يا كوكو هتسمعنا!
كوكو بلامبالاة وزعيق أنتوا مش عايزني اتكلم برحتي في بيتي كمااااان.
ميسرة خرجت مع عزيز علي صوت زعيق كوكو وقالت بدهشة بتزعق ليه يا كوكو
ميرنا كتمت فم كوكو عشان ميتكلمش ويفضحهم وقالتلها مفيش يا طنط اصل كوكو مضايق لاننا بقالنا أيام كتير هنا في بيته وهو عايز يقعد علي راحته!
كوكو كان بيحاول يتكلم وهو بيبعد ايد ميرنا من علي فمه لكن عزيز اتكلم هو مع ميسرة وقالها انتي عارفة جنان كوكو.. من يوم ما قعدنا عنده وهو مضايق.
ميسرة ضحكت وقالتله خلاص يا كوكو متضيقش هما هيرجعوا بيتنا تاني.
ميرنا بعدت عن كوكو وجريت على ميسرة وقالت بحماس بجد يا طنط
ميسرة بأبتسامة اه يا حبيبتي بجد.
أتكلم كوكو پغضب طب يلا يا ميسرة خديهم من بيتي وخلصوني بقى.
ميسرة ضحكت وقالت ل ميرنا يلا يا حبيبتي تعالوا ارجعوا بيتكم.
ميرنا بصت ل باباها