رواية عيسى القائد الفصل الخامس 5 بقلم آية محمد
انت في الصفحة 1 من 5 صفحات
عيسى_القائد ٥..
التمثلية طالت وبوخت اوي علفكرا... ..
أنا.. أنا.. هفهمك كل حاجه ..
أقترب سليم تجاهها يكمل ما بدأ و سحب ذلك الذقن المصطنع يرميه علي الأرض إمتلأت أعين زين بالدموع و حاولت الإبتعاد ولكنه منعها يسألها بصوت أقرب للهمس
اي اللي يخلي بنت زيك تقعد في بيت واحد عازب بالتمثيلية دي!! ..
تحركت زين لخارج الغرفة سريعا وتحرك هو خلفها يرتدي ثيابه يناديها پغضب
أقفي عندك ...
أرتبكت زين لكنها أكملت سيرها تجاه غرفتها وعادت بعد دقائق بعدما لملمت خصلت شعرها و وضعت فوقه حجابا ليعلو صوت ضحكاته و انتظرت هي بضيق حتي ينتهي من سخريته...
من أول ليلة قعدتي فيها هنا أنتي مين و عاوزة اي بالظبط!! ..
عاوزة أكل عيش والله مش أكتر أنا.. أنا هربت من أهلي من ٣ شهور أول ما وصلت القاهرة اتسرقت.. بعد يومين من الجوع واللف في الشوارع طلبت أكل من واحد بواب عمارة إدالي ١٠٠ جنية وقالي أمسح سلم العمارة كله ومن هنا قولتله لو عندك أي شغلانه أنا موجوده بعرف أطبخ وأغسل و اعمل كل حاجه جابلي شغل في بيت ناس كدا بس الزفت ابن البيه الكبير مكانش سايبني في حالي فسيبت المكان كله علي بعضه وأنا ماشيه في ارض الله لقيت احتفالات و ناس بتوع عرايس و مهرجين وقفت اتفرج لحد ما جت بنت من بتاعة العروض ولزقتلي علي وشي شنب من هنا جاتلي الفكره لما لقيت شغل هنا اترددت كتير بس بسبب ان جيبي مكانش فيه جنية واحد و أسباب تانيه أنا وافقت خصوصا لما عرفت انك بتقضي معظم اليوم برا البيت ...
ليه هربتي من أهلك! ..
مسحت دموعها تقول بتعب
ملهاش لزمة الأسئلة دي يا دكتور سليم أنا مش جاية في أذي وكمان أنا عمري ما مديت ايدي علي حاجه هنا أنا لازم أمشي ..
قال ببعض الهدوء
أنا حاولت أعرف عنك كتير دورت في حاجتك ملقيتش حتي بطاقة عاجبك المرمطه اللي أنتي فيها بعيد عن أهلك دي!! ارجعي بيتك يا بنت الناس عيب ..
الممرمطه دي أهون بكتير صدقني ..
سألها بحيره
طيب مفيش أي حد خالص يساعدك!! ملكيش صحاب ملكيش قرايب تروحيلهم!! أنتي منين اصلا! ..
قالت بخفوت
الأقصر ..
فتح عينيه پصدمه لم يكن يتوقع إجابتها تلك فصمت ولكنها عادت تقول بحنين
أخويا هو اللي هربني ..
أخرج هاتفه يقول بتفكير
هربك من إي!! ..
تنهدت بتعب وجلست تقول بقلق
قضية
