رواية مطلوب زوجة الفصل الثانى 2 بقلم زهرة الربيع
الجمال ده كله وما يعاكسوش وبصلها بوقاحه وقال..ربنا يستر من الي جاي
نفخت بضيق منه ومشيت قدامه وهو ضحك وراح وراها بسرعه
و بالفعل راحو كتبو الكتاب والماذون ادالهم الورقه وراحوا بيها على الفيلا اللي فيه الشغل
قابلهم هناك مدير الخدم وعرفهم شغلهم في المطبخ ووراهم المكان اللي هيباتوا فيه وكان عباره عن اوضه في الجنينه بحمام ومطبخ...حطو فيها شنطهم ودخلو يريحو لان الشغل هيبتدي اليوم الثاني
لبنى كانت واقفه عند باب الاوضه وبتبص للمكان بتوتر وقالت..احم...انا هقعد فين ..ده ما فيش غير اوضه واحده
خالد ضحك بشده وقال...يا صلات النبي على دماغك .. طب هم هيعوزوا اتنين متجوزين ليه لو في اوضتين
لبنى قعدت على الكرسي وقالت.. يعني انا وانت هنقعد هنا في الاوضه دي لوحدنا
لبنى بصتلو بغيظ وقالت..انت والشطان بتاعك تقعدو على جمب لاني على اخري ومش عايزه اتبلي بيك
خالد بص لها وقال ...لاكن انت ايه حكايتك يا بنت انتي...اوعي تكوني عاملالك عمله وهربانه وتوديني في داهيه
لبنى قالت بضيق...يارب صبرني...يا استاذ خالد حضرتك مش اخذت بطاقتي وكتبت بيها الكتاب هكون هربانه ازاي يعني
لبنى قالت بضيق شديد..انا مش عايز اتكلم في الموضوع ده اصلا حاجه متخصكش..وطلعت هدوم ليها من شنطتها وقالت...انا هدخل استحمى مش هنبه عليك ان المفروض نحترم بعض
خالد ضحك بشده وقال.. ما تخافيش حتى لو عايزه ابص عليكي الحمام ما فيهوش مكان مفتوح
بعد شويه خرجت بعد ما استحمت ولبست بيجامه بيتي جميله ورقيقه جدا وكانت قمر قوي وطلعت وكان خالد نايم على السرير وبيكلم واحده في التليفون وبيقول.. يا بنت اتلمي بقول لك معايا ناس في الاوضه
وسمعها شويه وقال...لا يا اختي مش شباب انتي جايه في اي مصلحه وخلاص على العموم انا في شغل جديد ادعي لي بس اسلك فيه وهظبطك يا بنت... اه وانتي وحشتيني يا سوسو و
خالد بص لها واستغرب انها بتبصلو بدهشه وقال...معقوله القمر ده كلو بيبصلي انا ..ولا انا بتهيألي
لبنى كانت عايزه تضحك وقالت بدهشه..معلش هو فيه بس تعقيب صغير هي الهانم اللي حضرتك بتكلمها دي..سوسو... كنت بتقول لها ادعيلي تادعيلك ازاي مش فاهمه يعني هو انت الناس اللي بيدعولك من العينه دي
خالد قال بسرعه...انتي ايش عرفك انتي ..دي سوسو دي دعواتها للسماء عشان بتبقى كاشفه راسها على طول
لبنى ضحكت جامد وقالت... كاشفه راسها
