رواية الحب والحياة الفصل الأول 1 بقلم ندى
انت في الصفحة 3 من 3 صفحات
ماشي ي بكاشة انا هقوم احضر الاكل وانتي اغسلي وشك واطلعي ليا
طلعت مني من الاوضة وسابت ندي اللي دموعها نزلت بصمت كل ما تفتكر كلامه ليها والمنظر اللي لقته بيه بس مسحت دموعها تاني وبصت لنفسها في المراية
ندي بقوة انا مش ضعيفة انا قوية ومش هزعل نفسي ولا هقوف حياتي ع واحد زي دا انا لازم اكمل
غسلت وشها وغيرت هدومها وخرجت لوالدتها اللي كانت جهزت السفرة وقعدوا هما الاتنين وطول الوقت كانت مني بتحاول تخرج ندي من المود وتخليها تضحك وهي كانت في سرها بتشكر ربنا علي وجود امها في حياتها
_بس بس
سمعت صوت من البلكونة اللي جمبها واستغربت لان المعروف ان الشقة اللي جمبهم محدش ساكن فيها بصت ولقت شاب واقف فيها وبيبتسم لها
ندي مساء النور
_انتوا اللي ساكنين هنا صح
ندي ايوة بس انت من امتي هنا الشقة دي مفيش حد عايش فيها
_اه ما انا لسة ناقل فيها النهاردة بس لانها جمب شغلي
ندي اه تمام
_بس محدش قالي ان في جيران حلوين كدة دا الواحد ياريته كان جه هنا من بدري
بصتله ندي باستغراب من صراحته ومردتش عليه وهو رجع ورسم ابتسامته علي وشه وبصلها
ندي تصبح علي خير
دخلت بسرعة من البلكونة اما هو فضحك علي ارتباكها وقال بابتسامة وانتي من اهلي قريب اوي
الحب_والحياة
بقلمي_الكاتبة_ندا
