رواية ډمرت حياتى الفصل الحادى عشر 11 بقلم ملك إبراهيم
انت في الصفحة 2 من صفحتين
الا هتكمل معاه حياتها
رواية ډمرت حياتي بقلمي ملك إبراهيم
في شقة والدة سيف دخل هو ووالدته الا اتكلمت بسعاده
والدة سيف شوفت يا سيف زينه بتحبك ازاي
رد سيف بحزن وهتعمل ايه بحبها ليا دا يا ماما بعد ما ضيعت عريس كويس زي كريم
ردت والدته بتاكيد هي رافضت كريم لان قلبها مع غيره
شعر سيف بالحزن على حالهم لان قلبه هو كمان بقى معاها لكن عقدة زواجه من ريهام دايما واقفه حاجز بينهم
رد سيف بتلقائيه انا مش هتجوز تاني خلاص انا قفلت موضوع الجواز نهائي
اتكلمت والدته باصرار لا يا سيف انت هتتجوز تاني وتعيش حياتك الا تستاهل ان انت تعيشها ومتقلقش يا حبيبي زينه مش ريهام اديك شوفت بنفسك النهارده ازاي وقفت قصاد الكل وقالت لأ ودفعت عن حبها
ردت والدته بامل يا حبيبي انت بس وافق وان شاءالله زينه مش بس هتغيرلك فكرتك عن الجواز دي هتغير حياتك كلها بس انت اتوكل على الله
حرك سيف راسه بابتسامه واتكلم بهدوء ربنا يقدم الا فيه الخير
في بيت كريم
اتكلمت والدة كريم پغضب ولا تزعل نفسك يا حبيبي بكره اجوزك ست ستها
رد كريم بهدوء انا مش زعلان يا ماما بالعكس انا احترمت انها مفكرتش تخدعني لان اكيد عمرها ما كانت هتقدر تسعدني وقلبها مع غيري
رد والد كريم عندك حق يا ابني وبعدين كل شئ قسمه ونصيب وانت ملكش نصيب فيها
رد اخو كريم فعلا يا بابا وان شاءالله ربنا هيعوض كريم بلي تحبه بجد
رواية ډمرت حياتي بقلمي ملك إبراهيم
بعد يومين قدرت والدة ريهام توصل خبر خطبة ريهام ومدحت لوالدة سيف وبلغت واحد من اصدقاء سيف وطلبت منه انه يبلغ سيف بالخبر
ابتسم سيف اول ما سمع الخبر واتكلم بهدوء ربنا يوفقها
بعدها بيومين راحت والدة سيف لأهل زينه تفاتحهم في موضوع سيف وزينه
اليوم التالي ذهب سيف لوالد زينه
والد زينه انا طلبت اقعد معاك يا سيف لوحدنا عشان اعرف منك انت طلبت ايد زينه بنتي ليه عشان بتحبها بجد ولا عشان الا حصل يوم ما صاحبك جه يتقدم لها
اتكلم سيف بصدق انا عايز اقول لحضرتك ان انا عمري ما اتمنيت حاجه في حياتي قد ما اتمنيت ان زينه تكون مراتي
اتكلم والد زينه وفي واحد برضه يحب واحده يجي يخطبها لصاحبه
رد سيف
بتاكيد انا عملت كدا لاني كنت شايف ان زينه تستاهل واحد احسن مني واحد تكون هي الاولى في حياته
اتكلم والد زينه بابتسامه بس جوازك قبل كدا دا شئ ميعيبكش كاراجل عشان تقول كدا
رد سيف هو فعلا ميعبنيش بس انا من حبي الكبير ل زينه شوفت ان زينه تستاهل انها تكون الاولى والاخيره في حياة الا هتتجوزه
ليتابع بتأكيد وصدق وصدقني حضرتك انا اكتشفت ان زينه فعلا اول حب في حياتي بجد
رد والد زينه بتأكيد وانت كمان اول حب في حياتها بجد
ليتابع والد زينه بمرح ادخلي يلي بتلمعي الاوكر
نظر سيف خلفه بدهشه ودخلت زينه بخجل واتكلمت مع والدها بكسوف ايه دا يا بابا انت شوفتني ازاي
ضحك والدها ووقف مع سيف وهو بيتكلم معاها بمرح
والدها لاني بشوفك بقلبي قبل عيني
ابتسمت زينه واتكلم والدها مع سيف بسعاده اسمع يا سيف انا مش هلاقي لبنتي راجل يحبها ويحافظ عليها اكتر منك
ليتابع بسعاده مبروك يا ولاد
فرح سيف جدا ومكنش مصدق ان والد زينه وافق بجد
قبلة زينه والدها بسعاده وشكرته على موافقته
ابتسم والدها وتركهم هي وسيف يقعدوا مع بعض يتكلموا شويه
اتكلمت زينه مع سيف بعد خروج والدها من الغرفه
زينه اخيرا نطقت
ابتسم سيف واتكلم بمرح انتي سمعتي ايه بالظبط
ردت بابتسامه كووول حاجه
ضحك واتكلم بهدوء يعني مش هحتاج اقول الكلام دا تاني
ردت زينه بمرح نعم دا انا لازم اسمع الكلام الحلو دا كل يوم يا اما هرفع عليك قضيه التسبب في جفاف عاطفي ادى الي اطفاء الشوق
رد سيف بمرح اطفاء الشوق اهو دا جزاء الا يتجوز محاميه بقلمي ملك إبراهيم
يتبع
