رواية دنيا ورامى الفصل الثالث عشر 13 بقلم زهرة الربيع
انا مش عايز اروح يا ستي يلا سلام
دنياقفلت معاه وهي بتحمد ربها لقت شريف بيرن عليها اتنهدت بڠصب وقالت عايزايه تاني ياحيوان انت
شريف ليه الغلط بس انا حبيت اقولك ان المره دي معملتهاش بس وحياتك لو متصرفتيش وخلتيه يطلقك لالبسك اسود عليه واندمك عمرك كلو وانتي ونصيبك احتمال هو واحتمال عمي حبيبي وجربي بس تقوليلو حاجه وتقري خبره في صفحة الۏفيات سلام
دنيا كانت هترد بس قفل التلفون وهي قعدت مكانها پتبكي وبتترعش ومتعرفش ليه خاڤت عليه جدا مش متخيله ممكن يجرالو حاجه قطع شرودها جرس الباب وقفت وراه پخوف وقالت برعشه..مين مين بيخبط
دنيا فتحت بلهفه وبدون وعي حضنت رامي بشده كانها بتتاكد من وجوده جمبها فضلت حضناه ومغمضه عنيها بارتياح
رامي بقي كان مش مصدق نفسه حاسس انو في حلم رفع ايديه ببطء وضمھا ليه بقوه زي ميكون عايز يخبيها بين ضلوعه اتنهد براحه وكان هيطير من الفرحه
دنيا حست على نفسها واتكسفت جدا لدرجة انها خاېفه تبصله جات تبعد عنه بس رامي كان لسه ماسكها وضاممها ليه قالت بحرج احم رامي
رامي بهيام اممممم
دنيا رامي سبني لو سمحت
رامي خليكي كمان شويه ياااه وكمل بمرح محروم من حنان الام من زمان
دنيا لکمته في كتفو وبعد ت وقالت .بلاش غلاسه بقي وكملت بكسوف احم بص مكنش قصدي اني احضنك كده وقالت بكدب اصلي اتخيلتك بابا
ولقاها مكسوفه جدا وخدودها حمره ومنزله عيونها في الارض
رامي حط ايده تحت دقنها ورفعها ليه وقال. ليه الكسوف ده كلو وكمل بضحك ده انا حتي زي جوزك
دنيا بنرفزه مصتنعه بس متقولش جوزك دي بتدايقني
رامي طيب مش هقولها تاني ياستي ها بقى اييه
دنيه بضحكه خفيفه اييه
رامي . متعمليش عبيطه ايه الي حصل لقلقك ده كلو
رامي .امممم صدقت انا كده طيب على العموم لو حبيتي تحكيلي انا جاهز اسمعك
دنيا شاورت بدماغها بنعنى حاضر
رامي طيب انا هطلع اطلب دلفري علشان كابوسك مخلنيش جبت حاجه وهاخد شور وانزل نتغدي سوا
دنيا ..اوكي
رامي ودنيا قضو اليوم ده بضحك وهزار والتنين كانو مبسوطين مع ان دنيا كانت خاېفه من تهديدات شريف لاكن وجوده جمبها كان مطمنها
بالليل كان رامي قاعد على اللاب وبيتابع شغلو و دنيا كانت بتطبق الهدوم بتاعت رامي الي جابها من شقتو دنيا شافت الطقم الي رامي كان لابسو في اليله اياها فضلت ساكته شويه وفتكرت لحظات منها ونزلت
