رواية إلى لقاء قريب الفصل الخامس 5 والأخير بقلم ٱية محمد
انت في الصفحة 1 من 7 صفحات
لا لا لا يا بابا لا
يا كر
يا بابا كفاية بقي كفاية تظلمني كفاية تزود في الفجوة اللي بيني وبينك بابا أنا معاتبتش حضرتك علشان كان بعدي كل السنين دي أكبر عتاب لكن حضرتك برغم دا مفكرتش مره واحده تعاتبها هي مرات الأب اللي سودت عيشتي وعلشان خاطرك وبس انا استحملت كتير عشان خاطر ان حضرتك بتحبها ومتقدرش تبعد عنها برغم ان عيوبها كتير اووي و علياء أنا مش برفضها علشان اللي حصل بس أنا بكل بساطه مبحبهاش عاوز اتجوز واحده بحبها و بتحبني و اكمل علي الأقل اللي جاي بشكل طبيعي كتير عليا!!!
بعد اذن حضرتك أنا راجع البيت
تحرك أدم تجاه سيارته ثم انطلق بها عائدا لمنزله حيث عائلته حيث سلامه
طرق الباب ففتحت له رهف بأعين ناعسه فقال پحده
أنتي بتفتحي الباب بنفسك الساعه ١ بليل!!! ولا حتي سألتى مين اللي واقف علي الباب فين الزفت محمود
أنا قولت أكيد أنت يا أدم معلشي أنا والله مخدتش بالي من الوقت
قولي لماما اني رجعت
حاضر
دلفت للداخل وأغلقت الباب بينما عاد هو لغرفته تحركت لغرفة والديها ثم طرقت الباب وقالت بهدوء
ماما أدم بيقول لحضرتك انه جه ودخل علي اوضته ينام سمعاني
قالت سلوي بتعب من الداخل
حاضر يا ماما تصبحي علي خير
بالداخل اعتدلت سلوي في جلستها وألتفتت لزوجها تناديه بهدوء
سيد أنت صاحي!
من امتي بنام وحد منهم برا خلاص هو رجع أهو نامي بقي
لا اصحي عاوزة أتكلم معاك في موضوع كدا
الټفت لها ثم أعتدل يجلس أمامها ينظر لها بإنتباه
عاوزة أقولك حاجه وخاېفة تتعصب عليا
حاجه اي ما تتكلمي يا سلوي
بصراحة كدا أنا عاوزة أجوز رهف لأدم
تحولت نظرته للصدمه والتعجب
اي يا سلوي الكلام دا دول أكتر من الأخوات
لا مش اخوات يا سيد أدم مهما كان ومهما حصل راجل غريب علي بنتك وأدبه وأخلاقها هو اللي حط بينهم الحدود بنتك كبرت وجالها ناس كتير وبترفضهم و السبب علي لسانها واحد عاوزاه زي أدم أنا حاسه البت مياله ليه و مش بعيد تكون بتحبه وهي مش فاهمه مشاعرها بنتي هبلة وأنا عارفاها
ولو مقدرش أقول لأدم تعالي اتجوز بنتي لو هي مالت ليه يبقي غلطتي اني دخلته في وسطهم انما أدم بيعتبرها اخته الصغيرة متفتحيش الموضوع دا بين العيال يا سلوي و تدخلي الشيطان بينهم
قالت بحيره
رأيك كدا يعني!
دا الصح و علشان نحل المشكلة أنا ابن واحد صاحبي كان كلمني عشان رهف و انا قولتله اصبر شوية لما تخلص السنه دي هكلمه يجي و يمكن لما تقعد معاه تغير رأيها
عمري ما أجبر بنتي يا سلوي أنتي عارفه انا كدا بصونها
ماشي يا حبيبي ربنا يخليك ليهم
في الصباح الباكر
كان يعمل في ورشة والده وبجواره محمود عليهم الإنتهاء من اعمالهم المتراكمه آتي سيد ليجلس
