رواية ډمرت حياتى الفصل الثالث 3 بقلم ملك إبراهيم

الحلقة_الثالثة
دمرت_حياتي
بقلمي_ملك_إبراهيم
ماشي يا ريهام يبقى انتي كدا الا اختارتي 
اتجه سيف لباب الشقه عشان يخرج تابعته حماته وهي بتتكلم بسخريه
حماته مع السلامه وابقى شوفلك خدامه بقى تعيش معاك لحد ماتخرج من ازمتك دي وابقى ارجعلنا
وقف سيف على باب الشقة واتكلم مع حماته پغضب
سيف اوعدك ان انتوا بكره الا هتيجوا تترجوني اني ارجع وانا وقتها 

مكملش سيف كلامه ونظر لمراته لأخر مرة ومشى على طول
قفلت حماته باب الشقه خلفه بقوة وقفت ريهام وهي پتبكي وقعدت على الارض ودموعها مغرقه وشها قربت منها والدتها واتكلمت بقوة
والدتها پتبكي ليه دا بكره يجيلك راكع بس هيكون خلص الديون الا عليه دي
ردت ريهام پبكاء لا يا ماما سيف شكله مش هيرجع المرادي بجد
والدتها بثقه هيرجع اسمعي كلامي هو لو لف الدنيا كلها مش هيلاقي واحده في جمالك دا المفروض يعيش عمره كله يشكر ربنا ليل ونهار على جمالك الا عمره ماكان يحلم انه يطوله هو كان يطول يتجوز واحده زيك دا انتي الف من يتمناكي
ريهام پبكاء مهو سيف برضه مش وحش يا ماما والف من تتمناه انا خاېفه لايحب واحده تانيه غيري
ردت والدتها يحب ايه بس كته وكسه هو عنده وقت حتى يبص في مرايا عشان يشوف واحده تانيه ويحب اسمعي مني بكره يجري ويعمل المستحيل ويسدد كل الديون الا عليه ويجيلك راكع
بكت ريهام اكتر وهي بتتمنى انه يرجع لها بسرعه زي ما والدتها وعدتها
ربتت والدتها على ظهرها واتكلمت بثقه
والدتها متزعليش يا حبيبتي وصدقيني بكره يجي يبوس الايادي
رواية ډمرت حياتي بقلمي ملك إبراهيم
في شقة والدة سيف
راح سيف عند والدته وهو حزين وقلبه مكسور من تخلي ريهام عنه
والدته مالك يا حبيبي ايه المشكله الا حصلت بس بينك وبين مراتك عشان هي تروح عند مامتها وانت تيجي عندي
رد سيف پغضب مكتوم يا ماما مفيش مشكله ولا حاجه انا بس مضغوط في الشغل وهي زعلانه عشان مش بعرف اكون معاها وقت طويل وراحت عند والدتها تريح اعصابها شويه
والدته بس هي كدا عندها حق يا سيف مراتك لسه عروسه ومحتجاك جانبها طول الوقت
رد سيف پعنف والله لو كانت الست والدتها راعت ظروفي من الاول ومطلبتش الطلبات الخرافيه بتاعها دي كان زمانا مرتحين دلوقتي ومكنش طلع عيني في شغله واتنين عشان اسدد الا عليا
والدته بهدوء معلش يا حبيبي هي برضه امها وكانت عايزه تفرح بيها
سيف تفرح بيها ازاي يعني يا امي يعني لازم تخليني مديون عشان تفرح بيها
ليتابع سيف پغضب من نفسه بس انا الا استاهل انا الا كان لازم من الاول مضغطش نفسي عشان اي حد واديني اهوه انا دلوقتي الا طالع عيني في شغل ليل ونهار والهانم برضه عايشه عند والدتها يعني ولا كاني اتجوزت اصلا
والدته خلاص يا