رواية يمنى وإلياس (أحد أملاكى) كاملة بقلم زهرة الربيع
واتنازلنا علشان سمعتها هيه لما عرفت بعدين زعلت مننا كانت عايزه تحبسو بس احنا خفنا على سمعتها اهلو قالو كانت في شقتو وهيه الي راحتلو وهنسبت الكلام ده اصلا حامد مكانش عايز تتفضح اكتر من كده علشان كده قفلنا الموضو وهو سافر مع اهلو الله لايردو وارتحنا منو بس للاسف يمنى من وقتها وهيه زي ما انت شايف كده قاسيه جدا دي حتى رفضت انها ټعيط زي البنات بقت زي الحجر يا رتها عيطت وصړخت وصفت قلبها انا وجدها كنا بنتقطع عليها اما نشوفها قويه وبتضحك واحنا عارفين ان كل ده قناع علشان تثبت انها قويه ومش محتاجه حد
سميه وقفت وقالت انا حاسه ان انت ممكن ترجعها تعيش تاني يا الياس انا مقولتش كل الكلام ده علشان تصعب عليك وتفضل معاها انا بعد كل الي استحملتو مبقتش اخاڤ انها تنكسر لانها انكسرت والي حصل حصل تخيل لما بنت عمرها ١٩ سنه يجي حيوان في هيئة بشړ يخدها ويحاول يعتدي عليها والي سلمها ليه ابن عمها تلي بتعتبرو اخوها وسندها والانسان الوحيد الي حبتو وكلها كام يوم ويبقى جوزها يتخلى عنها علشان سمعتو وشغلو صدمة يمنى مكانتش في راجل واحد يعني لو سبتها انت دلوقتي مش هتفرق عن اذنك
يمنى خدت بالها من نظراتو ومن الدموع الي في عنيه قالت عرفت حكولك مش كده
الياس قعد وقال وانتي ليه مكنتيش عيزاني اعرف انتي معملتش حاجه تتكسفي منها يا يمنى
ولسه هتروح نا حية السرير الياس مسكها وقرب منها وقال يشفق عليكي مين انا انا شفقت علي حالي انا ممرتش بنص ظروفك دي ومش حاسس اني قوي قدك كده يا بت انتي اسد تشفقي على الف زيي
يمنى كانت عايزه تضحك بس كتمت ضحكتها وقالت كويس انك عارف
ولسه هتمشي الياس قال عارف وهفضل جمبك هعوضك عن كل دقيقه زعلتي فيها هعوضك عن كل حاجه
الياس قال بحزن انا عارف ان بعد كل الي حصلك وبعد ما شوفتي الغدر من اققرب الناس ليكي مش هتصدقيني بس انا غير اي حد عرفتيه يا يمني مستحيل ازعلك ابدا دي حقيقه سواء صدقتيها او لا
يمنى قالت بحزن انا عارفه يا الياس ومن اول ما شوفتك عرفت انك غير اي حد وده الي كان بيعجزني كل ما احب ااذيك بس الفكره مش فانك كويس او لا الفكره ان قلبي انتهى بقى خارج نطاق الخدمه سواء ليك اولغيرك تقدر تقول مش شغال
يمنى بلعت ريقها بتوتر من قربو وقلبها بقى بدق بسرعه قالت بيتهيألك
الياس قرب اكتر وبص في عنيها وقال يعني لما بقربلك مش بيدق
يمنى كانت تايهه في عنيه وقلبها فعلا بيدق زي الطبل بس قالت ابدا
يمني بقت مش قادره على قربو اكتر قالت لا
الياس قربوباسها برقه ويمنى غمضت عنها باستسلام بعد عنها شويه قليلين وقال بهمس بتكدبي يا يمنى انا سامع صوت دقاتو
يمنى فتحت عنيها وفضلت مركذه فيه بس فاقت لنفسها ودفعتو وقالت پحده انا كام مره قولتلك متقربليش بالطريقه دي انت بتستهبل
الياس ابتسم وقال اهو الي هتجنن واعرفو ليه بتقلبي فجأه كده كنا كويسين ولسه هنعد كام دقه على العموم انا مش هبعد حتى لو انتي عايزه كده هفضل جمبك قولتلك اني هعوضك عن كل حاجه
يمنى غمضت عيونها وحاولت تقوي وقالت في نفسها دلوقتي يا يمنى مينفعش اتأجلي تاني وبصت لالياس وقالن پغضب لاسف مش هتكون موجود علشان تعوضني
الياس قال بضحك مش هكون موجود ليه ھموت يعني
يمنى قالت بحزم تؤ لا وقتك معايا خلص وهنطلق بكره يا الياس
الياس بلع ريقه وقال بتوتر بتهزري صح
يمنى بعدت بنظرها عنو وقالت بقوه مزيفه لا بتكلم بجد خلاص كفايه كده بكره هجيب المؤذون في الشركه وزي ما تجوزنا في السر هنطلق في السر ونخلص
الياس مسكها من دراعها بقوه وقال يعني ايه الكلام ده هو بمزاجك نتجوز وبمزاجك نطلق انا مش موافق على الكلام ده على چثتي
يمنى قالت بعصبيه اه بمزاجي يا الياس ومش باخد رأيك وهنطلق يعني هنطلق وادينا عندنا مبرر نقوله لجدي انت عرفت اني كدبت عليك وخبيت عنك موضوع حبسي واتخانقننا واطلقنا وتشوف حياتك وبنسبالي
