رواية أمل الحياة الفصل الخامس 5 بقلم يارا عبد العزيز
و هي حامل و يحصل حاجه للجنين
اتكلمت بسرعه و حده
قولتلك اطلعي انتي يا روان دلوقتي اطلعي و انا شويه و جيالك
بقلمي_يارا_عبدالعزيز
روان پبكاء و عصبيه
مش عايزه حد فيكم منك لله يا كريم منك لله انت و هي و الله لهدمركم انتوا الاتنين
قالت كلامها و طلعت شقتها و قفلت على نفسها الباب
حياة كانت بتبص لطيف روان بدموع و هي حزينه جدا على اللي وصلت ليه مع اعز صاحبه ليها
حسيت بدوار سندت على كرسي السفره بأرهاق
مجدي پخوف
حياة انتي كويسه يبنتي
حياة ببأبستامه و ارهاق
مجدي بأمر و هو بيبص لكريم
ما قولتلك خدها اطمن عليها لو مش عشانها على الاقل عشان ابنك اللي في بطنها
كريم و هو بينفخ بضيق
قولت هاخدها يا بابا ادخلي يحياة غيري هدومك و يلا عشان نروح دلوقتي
حياة بصتله و مكنتش عايزه تروح معاه بس هي فعلا بتحس بان معدتها ديما تعبها و ديما دايخه و لانها قليله الخبره و لسه صغيره في السن خاڤت ان يكون جنينها حالته الصحيه مش كويسه
كانت بتلبس طرحتها جالها رساله على هاتفها و كان كريم
انا نزلت عشان اطلع العربيه مستنيكي تحت قدام باب العماره لو مش هتقدري تنزلي رني و انا هطلعلك
بصيت للرساله و اتنهدت بسخريه
خاېف عليا اوي يا كريم اللي يشوفك كدا يقول و نعمه الزوج مش عارفه انا ازاي حبيت واحد زيك
انت و بس اللي مخليني مستحمله كل اللي بيحصل اول لما هتيجي انا هطلق و هاخدك معايا و هربيك احسن تربيه مش هخليك تطلع لحد فينا لا ليا و لا لابوك يحبيبى
نزلت لاقيت عربية كريم واقفه قدام باب العماره اتنهدت بضيق و دخلت قعدت جانبه قدام من غير ما تتكلم
بصلها و اتنفس پغضب و طلع بالعربيه
قاطع شرودها صوت كريم
انتي كويسه
هزيت راسها بمعنى ايوا من غير ما تتكلم
تجاهلها ليه و عدم ردها عليه جننه
وقف العربيه پغضب و اتكلم پحده
بالنسبه لكلامك باننا عمرنا ما هنكون مع بعض فاحنا اصلا دلوقتي مع بعض و انتي مراتي و اللي في بطنك دا هيفضل رابطنا لاخر العمر
كريم احنا هنطلق دا اللي اتفاقنا عليه و انت متجوز روان لكن انا و انت كانا مجبرين على بعض اما بقى بالنسبه لي اللي في بطني فهو اه ابنك بس دا مش معناه اني هفضل مربوطه بيك عمري
