رواية جوازة صالونات الفصل العاشر 10 بقلم ندى على حبيب
ببتسامه ينصرك علي من يعاديك يا ادهم يابن سالم حلو ان جوزك واقف ليها اوعي تزعليه يا نهال حطيه في عينك وانتي مش محتاجه حاجه
نهال لاء عندي كل حاجه وادهم مش مخلي نفسي في حاجه المهم انتي عامله ايه واللي عندك عاملين اي
زينب انا الحمدالله كويسه لسه قبضه معاش ابوكي النهارده روحت سديت اقساط الاجهزه الكهربائيه وتغريد وضحي نايمين لسه
زينب ببتسامه بيسلم عليكي كنا بنتكلم النهارده بقوله لما ادهم يسافر نهال تيجي تقعد معانا هنا لما يجي هب في وشي
نهال برفض وانا برضو لما ادهم يسافر مش هاجي اقعد عندك خالص هجيلك يوم الخميس وابات معاكي واروح الجمعه بليل لكن هفضل هنا
زينب بغمزه يبقا الجو عجبك يجميل
نهال ضحكت ضحكة خفيفه مش قصه عاجبني بس ادهم قالي هتفضلي هنا في البيت لحد ما ارجع اجازه ف هفضل قاعده هنا واجيلك زيارات
نهال ابتسمتلها ماما هقوم اتغدي وهرجع اكلمك تاني وقفلت وخرجت مع نوال
العيله كلها قاعدين علي الارض حوالين طبليه كبيره عليها اكل
ادهم بصلها تعالي يا نهال جنبي وشاور علي مكان جنبه نهال راحت قعدت جنبه وكان الغدا لحمه وشوربه وفاصوليا
ادهم غمز وقال بهمس ايووووا انا عرفت سبب فرهدتك علشان مبتاكليش لحمه نهال بصتله وهي مكسوفه وادهم مسك حتت لحمه فصصها وحطها قدام بوق نهال افتحي بوقك لو معجبتكيش متكليش منها تاني يلااا
نهال فتحت بوقها بتردد واكلتها من ايده ومدغتها شويه حلوه مش وحشه
نوال بضحك الرك علي تسوية اللحمه في لحمه مبتتبلعش
نهال سمعت كلمتها اتغاظت بس سكتت ادهم فهم ان نهال مستحيل هتعرف تتأقلم مع امه خصوصا ان امه متحكمه وطبعها شديد شويه
سلوي بصت لأدهم اللي بيفصص اللحمه قدام نهال المبتسمه انت هتقعد تفصصلها اللحمه ومش هتاكل ولا ايه كل يبا ونهال هتفصص لنفسها
ادهم ابتسم لنهال وغمز اسكتي يما سبيني اغذيها كويس في الاول والاخر كله ليا
ادهم سكت وهو مبتسم وبدء ياكل ويأكل نهال اللي بتاكل اصلا
في دكرنس
زينب قاعده في الصاله سرحانه قدام التلفزيون وفي ايدها كوباية شاي والدفايه شغاله وجنبها تغريد اللي نايمه علي رجلها
تغريد بصتلها بستغراب زوبه مالك مش مرتاحه ليكي كدا في حاجه حصلت ولا اي
تغريد بستغراب ليه بس ايه اللي حصل خلاكي تقولي كدا يوم الصباحيه فضلتي تقولي عليها كريمه وطيبه ومعرفش اي
زينب ما هي كريمه وطيبه مع الغرب انما مع اهل البيت شكلها شديده معاهم النهارده صباحية البت وعايزه تاخدها لدكتور يكتبلها منشطات علشان تحمل
تفريد بدهشه يحزني هما مستعجلين علي الحمل ليه كدا
زينب بتشتت ادهم وقفلها وقالها لاء طيب اهو ادهم هنا وهيشيل كتير عن نهال امال لما يسافر الحزينه دي هتعمل ايه
تغريد تجبيها تقعد معانا لحد ما جوزها يبقي يرجع تروح بيتها تاني
زينب مش راضيه بتقولي هجيلك زيارات واروح تاني
تغريد بتفكير يمكن ادهم متفق معاها علي كدا
زينب اتنهدت بقوه والنبي ما انا عارفه المهم قومي شوفي الرز اتردد ولا لسه ان كان
