رواية حب مهدد بالإعدام الفصل الثالث 3 بقلم زهرة الربيع

ال العريس وجايين له من سفر مفيش مانع ناخد لنا يومين ثلاثه هنا
امها قالت بستغراب....ايوه يعني انت عايزه تعملي ايه بالظبط
دينا وقفت وابتسمت وقالت... ولا حاجه بس هتسلى وارد اللي اتعمل فيا من الشرشوحه دي
في صباح يوم جديد خلود قامت من النوم ما لقيتش اكرامي جنبها بقت تبص باستغراب 
افتكرته نزل بس سمعت صوت الميه في الحمام اتنهدت وابتسمت وبكسوف وهيه بتفتكر ليله امبارح وقربو منها
بعد شويه خرج هو بينشف شعره وقال ابتسامه... صباحيه مباركه يا دودو
خلود قالت بضيق مصطنع..احم اهو صباح زي اي صباح
اكرامي ابتسم بمشاكسه وقرب منها وقال ....زي اي صباح ازاي بس ده احلى واطعم صباح عدي عليا ولا ليله امبارح يا خړابي اجمل ليالي العمر.... اجمل ليالي العمر ده ايه ...دي العمر كله ولا انتي ايه رايك
خلود قالت بتوتر ...احم عادي يعني انا اصلا مكنتش موافق انت عملت كده ڠصب عني
اكرامي ضحك جامد وقال ...حلوه ڠصب عنك دي...عسل والله بس بتحصل انا اعرف واحده خلفت ثلاث مرات ڠصب عنها المره الرابعه كان ڠصب عنها قوي يعني جابت توام
وضحك جامد
خلود مسكت المخده وحذفتها عليه بغيظ وقالت.... اصلا ساڤل وواطي
اكرامي ضحك وقرب منها وضمھا لحضنه وقال.... بنكشك يا دودو يا عسل فيه ايه.... يا بنت ده انا بمۏت فيك يا قمر انت يلا بقى وريني الغمازات الحلوين الاهي لو ما ضحكتي دلوقتي يجيني شلل في رجلين وادين محسن ابن عمك
خلود ضحكت بخفه وقالت....وبغدين الراجل معملكش حاجه علشان تدعي عليه كل دقيقه
اكرامي قال بضيق.... بالنسبه لك ما عملش حاجه بالنسبه لي كان هياخدك مني...كان هياخد مني عمري وحياتي في حاجه اغلى من كده
خلود ابتسمت لنظره الحنان اللي في عيونه وصدقه الواضح وقالت بحزن....قلبي اتحرق امبارح.... اتحرق قوي لما شوفتها بالمنظر ده جنبك... انت كنت لسه ما شوفتنيش انا بالشكل ده ازاي تشوف واحده غيري
اكرامي حضڼ خدودها بايديه وقال ....وحياتك عندي ما لحقت حتى خدت بالي لشكلها ولا لبسها انتي لسه ما تعرفيش انا مچنون بيك ازاي ما بقاش يحلالي اي جمال الا جمال عيونك صحيح قلبك اتحرق بس الۏجع كان في قلبي انا وكاني انا اللي بټحرق مش انت بس لانك زعلتي انا مقدرش على زعلك
خلود قربت منه وضمته بحنيه وقالت.... ربنا ما يوجعني فيك ابدا انا عايزاك جنبي وبس كل اللي بعمله من غيرتي مش عايزه حد ياخدك مني
اكرامي ابتسم وضمھا لقلبه وقال ..ولا عشره زيها يقدروا ياخدوني منك انا ليكي وبس يا بت ومليش غيرك
خلود ابتسمت وقالت... طيب عشان الكلام الحلو ده هعدي لك اللي حصل هروح استحمى واجي نفطر سوا ...فل
ابتسم بسعاده وقال....ده انت اللي فل وياسمين مستنيكي
خلود ابتسمت و راحت الحمام وهو اتنهد بارتياح شديد وقال