رواية جرعة مشاعر الفصل الرابع 4 بقلم أميمة عبدالله

واضحة.. زي سيستم للباب يكون ببصمة إيد أو رقم سري أو حيطة تكون خافية طريقة الخروج إتصرف وأعمل دا
بص الشخص حواليه وقال دي سهلة ممكن نعمل خدعة ما بين باب الخروج الوهمي وباب خروج سري ونحاول نخفيه بشيء
قال عمر بوجه جامد دي مهمتك وفي أسرع وقت
قال الشخص متنساش إنك تحت الأرض واللعب الكتير ممكن يعرضك لخطړ هحاول أتصرف ولكن ماتتوقعش حاجة كبيرة او ماحصلتش متنساش إن دا حاجة زي البدرون في الأول والأخر
قال عمر بضيق أعمل اللي تقدر عليه أنا واثق من شغلك يابشمهندس
سأل المهندس بفضول هو إنت بتعمل كل دا ليه يمكن أقدر أفيدك لما أفهم
قال عمر هاخبي هنا حاجة مهمة مش أكتر وعايز طريقة الوصول ليها تكون صعبة
بعد ساعات كان عمر بيستقبل عربية نقل كبيرة.
نزل منها أربع شباب وبدأو ينزلوا العفش اللي علي العربية.
بدأت المساحة الفاضية تحت الأرض يكون فيها سرير وطرابيزة وسفرة ومطبخ صغير بأدواته وساعة حائط وتلاجة ودولاب صغير وشاشة ضخمة وكتب عشان بتحب القراءة.
قال بضيق وهو بيكلم إحدي الشباب أنا طلبت إن كل أدوات المطبخ مايكنش فيها أي حاجة حادة لا سکين ولا مخرطة ولا أي حاجة إزاز
أومأ الشاب براسه وأخد بعض الأدوات يغيرها.
في بعد يومين كان بدأ المهندس ينفذ خطته في سيستم الخروج وكان عمر في نفس الوقت بيفرش السرير وبيحط السجاد وبيركب نظام تكييف وغيرها من الإجراءات.
قال المهندس بإستغراب إنت دفعت مبلغ وقدره في مكان غلط
قال عمر أنا كل شقايا حطيته هنا حتي عربيتي بيعتها بس عشان الحاجة اللي هاسيبها هنا تستحق
قال المهندس أنا مستغرب من أمرك الحقيقة
قال عمر أنا جبتك عشان إنت صاحبي من زمان أنا مش عايز حد يعرف أي حاجة عن الحوار دا
قال المهندس ما هو عشان إنت صاحبي وعشرة عمر لازم أعرف إيه بيدور في دماغك
حاول عمر يغير الحوار فقال إنت قولت إيه للراجل اللي أجرنا منه المكان
قال المهندس موافقش غير لما زيدت السعر سأل أسئلة كتيرة بس قولتله إننا هانشيل هنا أجهزة كمبيوترات ولاب توب كمخرن إحمد ربنا إن المكان مش في منطقة سكنية أو الراجل عايش في البيت حاليا كان إستغربوا من اللي إنت بتعمله دا
قال عمر عشان كدا أخترت المكان دا وخاصة إنه بعيد عن المحافظة اللي أنا عايش فيها 
تابع هي فترة مؤقتة جدا وهاسيبه
قال المهندس وسيستم الخروج اللي إنت دافع فيه دا قلبك دا 
قال عمر مش مهم أهم حاجة الراجل دا ماينطش هنا كل شوية
قال المهندس سألت كويس قالوا مابيجيش المكان المهجور دا أصلا إنت لو مۏت هنا مش هاجيلك الصراحة
قال عمر وهو بيشغل الشاشة أنا دافع إشتراك نتفليكس السنوي مش راضي يشتغل ليه بقي
قال المهندس إنت ناوي تقيم هنا ولا إيه ومن أمتي ليك في الأفلام
قال عمر ماهي بتحب المسلسلات الكوري 
المهندس بإستغراب مين دي!
قال عمر ماتهتمش تعال شوف المشكلة دي بس 
قال المهندس أنا هتابع الشباب اللي شغالة دي ولا أقعد أشوف نتفليكش مش شغال ليه
رجع عمر البيت غير هدومه وقعد معاهم يتعشي.
بعد العشا طلب من أخته تيجي تكلمه في الأوضة.
فتح الواتساب بتاعه وقال وهو بيديها الفون إكتبي هنا كل الحاجات اللي إنتو بتستخدموها لجسمكم يعني الشاور والحاجات بتاعت الشعر والوش دي
قالت أخته وهي بتاخد الفون دا ليه إن شاء الله 
قال عمر أرتبطت ببنت جديدة وناوي أجبلها هدية 
قالت أخته بتريقة طيب جيب لأختك مبرد ضوافر حتي
قالها بضيق أخلصي عشان ماعنديش وقت 
فكرت شوية وبعدين قالت طيب