رواية جرعة مشاعر الفصل الرابع 4 بقلم أميمة عبدالله
هساعدك بس هاتجبلي كام حاجة معاك
بصلها بأستغراب فقالت مش غاليين ماتقلقش
تابعت وبعدين لحقت ترتبط أومال إيه جو الحزن والأفورة اللي كنت بتعمله اليومين اللي فاتوا دول
ماردش عليها فقعدت تكتب علي واتساب products مختلفة للوش والجسم والشعر وبرفان وغيره.
دخل علي إستور أونلاين وطلب كل البرودكتس اللي كتبتها أخته.
قال عمر كتبالي حاجات معدية العشر الاف جنيه فكراني ساويرس
قالت أخته أنا قولت تبان چنتل مان قدامها ومش رخيص
قال عمر پصدمة أنا رخيص!
قالت أخته مبررة الموقف قصدي ماتجبش حاجات رخيصة
بعد يوم.
كانت ريم قاعدة مع عمر في كافيه
قال عمر وهو بيمد إيده دا الخط اللي هاتتفقي منها علي الخروجة بيه وهاتجبيها الكافيه دا في نص القاعدة هتستأذني وتدخلي الحمام وتاخدي فونها بأي حجة زي إن فونك فصل وإنتي محتاجة تعملي مكالمة أو غيرها من الحجج هاتيجي بنت تأخد منك الفون وتجبهولي حمام الرجال هاكون منتظر هناك وهاخد منها الفون أمسح من عليه كل حاجة تخص مكالمتها معاكي وإتفاقها معاكي في الخروج
بعدين هتحاولي تخلي فونها في إيدك وإنتي عملاه وضع طيران مش هاتقفي تحاسبي وهاتخرجي عالطول من الكافيه بقدر الإمكان مش عايز حد يشوفكم ويكون إتكلم معاكم أو لاحظ شكلكم.
قال هاتقولي أي حجة زي إن أخوكي داخل برأس مال في الكافيه وفي العادي مش بتحاسبي
كمل بعدين هاتروحوا محل كبير جانبي في نفس طريقكم تشتروا لبس ليكي جنب المحل في سوبر ماركت هاتتحججي إنك هاتشتري ماية وخليها تكمل هي وتدخل المحل لوحدها
فقالت ريم وبعدين!
قال عمر لحد هنا كل الأمور واضحة
قالت ريم إيه الفكرة إنها تدخل لوحدها
قال عمر محل اللبس مافيهوش كاميرات بس في محل قصاده فيه كاميرات ممكن تجيبك وإنتي معاها فأنا عايز لحظة الدخول تكون لوحدها
كمل عمر بعدها الأمر متروك ليا
قالت ريم هاتخطفها من المحل إزاي
سكت عمر.
قالت ريم إنت بتكلم عيلة صغيرة مش فهماك إنت ناوي تعمل حاجة أكبر من كدا بكتير
قال عمر إنتي وعدتيني إنك هتساعديني
قالت ريم لا مش هساعدك أعتبرني أخلفت بوعدي معاك
قال عمر إيه يضمنلك إني مش هأذيها وأنا أعملهولك عشان تكوني مطمنة
قال عمر أنا بحبها يا ريم وكل دا عشان نكون مع بعض
قالت ريم بإنفعال هي مش عايزة تكون معاك أفهم دا
قال عمر بإنفعال أشد مين قالك دا
قالت ريم أنا أتصاحبت عليها وهي قالتلي قالت إنها مش هاتتقبلك تاني في حياتها
قال عمر عشان هي مش فهماني أنا هقابلها بعيد عن كل الدوشة ولوحدنا وهاجبرها تسمعني إحنا لو رجعنا لبعض هايكون بسببك فأرجوكي وافقي
طلع عمر الفون من جيبه ورن علي فريدة وفتح الأسبيكر
فتحت فريدة عليه فقال عمر إزيك يا فريدة عاملة إيه
قالت فريدة بفتور بخير الحمدلله
قال عمر فريدة ممكن تسمعيني لمرة أخيرة أنا حاب...
قاطعته فريدة ممكن تقفل يا عمر بعد إذنك وماترنش تاني
سكت عمر.
بعد ثواني قفلت فريدة المكالمة.
بص عمر لريم وقال أهو..قدامك هي مش عطياني فرصة أتكلم معاها ولا أوصلها كل اللي بعمله عشان تسمعني حتي لو هاتكون مجبرة
كمل هي بس فاهمة حاجات كتيرة غلط محتاج أقعد قدامها وأوضحهالها
قالت ريم وليه تمسح المكالمات وغيرو وليه كل الخطة دي
فكر
